Футбол бўйича Испания Ла Лигасининг 11-турида «Барселона» 29 ноябрь, якшанба куни «Осасуна»ни қабул қилди.
Учрашувнинг 29-дақиқасида Мартин Брэйтуэйт каталонларнинг комбинациясини муваффақиятли якунлади. Биринчи бўлим якунланиши арафасида Антуан Гризманн жарима майдони ташқарисидан кучли зарба йўллаган ҳолда жамоасининг иккинчи голини урди.
57-дақиқада Филиппе Коутиньо Гризманнинг узатмасини голга айлантирган бўлса, 73-дақиқада Лионель Месси ҳам ўз ҳисобига гол ёздириб қўйди.
Шу тариқа «Барселона» очколарини 14 тага етказиб олган ҳолда 7-ўринга кўтарилди. «Осасуна» (11) 15-поғонадан жой олган.
Ла Лига
11-тур баҳси
29 ноябрь, якшанба
«Барселона» — «Осасуна» 4:0
Голлар: 1:0 – 29 Брэйтуэйт, 2:0 – 42 Гризманн, 3:0 – 57 Коутино, 4:0 – 73 Месси.«Барселона»: тер Штеген, Альба, Лангле (Аленья, 67), Мингеса, Дест (Фирпо, 61), Коутиньо (Дембеле, 61), де Йонг, Педри (Бускетс, 46), Месси, Гризманн, Брэйтуэйт (Тринкау, 61).
«Осасуна»: Эррера, Унаи Гарсия, Навас, Ронкалья, Видаль, Монкайола, Ойер Санхурхо (Брашанац, 64), Рубен Гарсия (Барха, 74), Иниго Перес (Роберто Торрес, 63), Хони Родригес (Хуан Крус, 23), Будимир (Галего, 74).
Огоҳлантиришлар: Месси (74).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)