Футбол бўйича Coca-Cola Суперлига 25-туридан ўрин олган қатор учрашувлар 29 ноябрь, якшанба куни бўлиб ўтди.
«Насаф» жамоаси Тошкентда «Бунёдкор» меҳмони бўлди. 8-дақиқада Марко Станоевич томонидан урилган гол қаршиликларга ғалаба келтирди. Параллел ўйинда ОКМК сафарда «Навбаҳор» билан нурсиз дуранг қайд этди.
Шу тариқа «Насаф» очколарини 52 тага етказиб олган ҳолда олмалиқликларни (46) 6 очкога ортда қолдирди ва сўнгги тур олдидан иккинчи ўрин масаласини ҳал қилди. «Бунёдкор» (42) эса мағлубият туфайли учинчи ўриндаги ОКМКга етиб олиш имкониятини йўққа чиқарди.
«Бухоро» жамоаси «Машъал»га қарши баҳс олиб борди ва 1:3 ҳисобида мағлуб бўлди. «Андижон» эса ўз уйида «Қўқон-1912»га минимал ҳисобда енгилди. «Бухоро» 14 очко билан сўнгги ўринда бормоқда, «Андижон» ҳисобида 16 очко бор. Бухороликлар кейинги турда ОКМК билан ўйнайди, «бургутлар» эса «Пахтакор»га қарши саф тортади.
Шунингдек, лигани тарк этиши мумкин бўлган жамоалар орасида турган «Сурхон» сафарда «Металлург»га ютқазиб қўйди. 17 очкога эга «Сурхон» сўнгги турда «Сўғдиёна» билан ўйнайди.
Coca-Cola Суперлига
25-тур баҳслари
29 ноябрь, якшанба
«Бунёдкор» — «Насаф» 0:1
Гол: 0:1 – 8 Станоевич.«Навбаҳор» — ОКМК 0:0
«Бухоро» — «Машъал» 1:3
Голлар: 0:1 – 47 Муртозаев, 0:2 – 57 Окоро, 0:3 – 73 Абдураимов, 1:3 – 79 Ғиёсов.«Металлург» — «Сурхон» 1:0
Гол: 1:0 – 84 Убайдуллаев.«Андижон» — «Қўқон-1912» 0:1
Гол: 0:1 – 72, пенальти Холмуҳаммедов.«Сўғдиёна» — «Қизилқум» 1:1
Голлар: 1:0 – 48 Болтабоев, 1:1 – 90+3 Қиличев.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)