Futbol bo‘yicha Ispaniya La Ligasining 11-turida “Barselona” 29-noyabr, yakshanba kuni “Osasuna”ni qabul qildi.
Uchrashuvning 29-daqiqasida Martin Breytueyt katalonlarning kombinatsiyasini muvaffaqiyatli yakunladi. Birinchi bo‘lim yakunlanishi arafasida Antuan Grizmann jarima maydoni tashqarisidan kuchli zarba yo‘llagan holda jamoasining ikkinchi golini urdi.
57-daqiqada Filippe Koutinyo Grizmanning uzatmasini golga aylantirgan bo‘lsa, 73-daqiqada Lionel Messi ham o‘z hisobiga gol yozdirib qo‘ydi.
Shu tariqa “Barselona” ochkolarini 14 taga yetkazib olgan holda 7-o‘ringa ko‘tarildi. “Osasuna” (11) 15-pog‘onadan joy olgan.
La Liga
11-tur bahsi
29-noyabr, yakshanba
“Barselona” — “Osasuna” 4:0
Gollar: 1:0 – 29 Breytueyt, 2:0 – 42 Grizmann, 3:0 – 57 Koutino, 4:0 – 73 Messi.“Barselona”: ter Shtegen, Alba, Langle (Alenya, 67), Mingesa, Dest (Firpo, 61), Koutinyo (Dembele, 61), de Yong, Pedri (Buskets, 46), Messi, Grizmann, Breytueyt (Trinkau, 61).
“Osasuna”: Errera, Unai Garsiya, Navas, Ronkalya, Vidal, Monkayola, Oyer Sanxurxo (Brashanats, 64), Ruben Garsiya (Barxa, 74), Inigo Peres (Roberto Torres, 63), Xoni Rodriges (Xuan Krus, 23), Budimir (Galego, 74).
Ogohlantirishlar: Messi (74).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)