Ўзбекистонда коронавирус бўйича саволларга жавоб берадиган Call-марказ фаолияти вақтинчалик тўхтатилиб, унинг вазифалари 1003 — Call-марказига юклатилади. Бу ҳақда ССВ матбуот хизмати хабар берди.
Ўзбекистонда коронавирус билан боғлиқ вазият мураккаблашган шароитда аҳолининг касаллик билан боғлиқ саволларига ўз вақтида жавоб бериш, тиббий йўл-йўриқ кўрсатиш тизими йўлга қўйилган эди. Вазирлик хабарида айтилишича, бу тезда самара бериб, аҳолидан келаётган мурожаатлар оқими бир тизимга тушишига сабаб бўлди.
«Сўнгги вақтларда уй шароитида даволанаётган беморларга ҳамда карантинга олинган шахсларга тиббий маслаҳат ва ахборот бериш мақсадида тун-у кун узлуксиз фаолият кўрсатувчи 1105 қисқа рақамли Call-center’га мурожаатларнинг кескин камайгани кузатилди.
Айни пайтга келиб, коронавирус билан боғлиқ эпидемиологик вазият бироз барқарорлашгани инобатга олиниб, 1105 қисқа рақамли Call-center фаолиятини вақтинчалик тўхтатиш ва унинг вазифаларини 1003 – Call-марказига юклатиш белгиланди», — дейилади хабарда.
Изоҳ (0)