Туркия Ўзбекистонга 50 та сунъий нафас олдириш аппаратини совға қилади, дея хабар қилди Anadolu агентлиги.
Қайд этилишича, бу ҳақда 2020 йил 20 майдаги соғлиқни сақлаш соҳасидаги ҳамкорлик тўғрисида ҳукуматлараро битим матнида айтилган. Ҳужжат 27 ноябрь куни Туркия ҳукуматининг расмий нашри – Resmi Gazete’да эълон қилинди.
Ҳужжат учта моддадан иборат. Биринчи моддага кўра, Туркия коронавирус пандемияси фонида сунъий нафас олдириш аппаратини Ўзбекистон Соғлиқни сақлаш вазирлигига совға қилади.
Аввалроқ Польша Ўзбекистонга 300 минг долларлик инсонпарварлик ёрдами юборгани ҳамда АҚШ Ўзбекистонга 200 та сунъий нафас бериш аппаратини тақдим этгани ҳақида хабар қилинганди.
Изоҳ (0)