Польша ҳукумати юборган гуманитар юк Варшава–Тошкент рейси орқали И.Каримов номидаги Тошкент халқаро аэропортига 24 ноябрь куни келди, деб хабар бермоқда «Kun.uz».
Польша нефть ва газ компанияси ва Польшанинг Халқаро бирдамлик жамғармаси Ўзбекистонга шахсий ҳимоя воситалари, тиббий ўлчаш мосламалари ва COVID-19’га қарши кураш учун мўлжалланган 300 минг АҚШ долларига тенг дори-дармон воситалари билан ёрдам кўрсатди.
Польша Мудофаа вазирлигининг махсус ҳарбий самолёти коронавирусга қарши курашиш учун юборилган воситаларни етказиб берди.
Бундан ташқари, юкнинг бир қисми Қарши ва Нукус шаҳарларидаги зўравонлик қурбонлари ҳамда ўз жонига қасд қилишнинг олдини олиш учун қурилган аёлларни реабилитация қилиш ва мослаштириш марказлари учун мўлжалланган қандолат ва тикув ускуналаридан иборат.
Ушбу ёрдам Польшадан Ижтимоий четлаб ўтиш хавфи остида бўлган шахсларнинг интеграцияси номли Польша кўмаги доирасида ривожланиш лойиҳаларини амалга ошириш учун етказиб берилди.
Изоҳ (0)