Ҳиндистоннинг Ражастхан штатида қироллик кобраси коронавирусга иккинчи бор чалинган британияликни чақиб олди, деб хабар беради Daily Mail.
Иэн Жонс Ҳиндистонга бир неча ой олдин камбағал ҳиндларга ёрдам берадиган хайрия ташкилотида ишлаш учун келган. Март ойида у биринчи бор коронавирусга чалинган. Бундан ташқари, эркак тропик ва Денге безгакларини ҳам бошидан ўтказган.
Илон Жонсга у иккинчи бор коронавирусга чалинганида ҳужум қилган. Кобра чаққанидан сўнг, британиялик шол бўлиб, ҳеч нарсани кўрмай қолган. Шундан буён эркак Жодхпур шаҳридаги касалхонанинг интенсив терапияда бўлимида қолмоқда.
Қироллик кобраси сайёрадаги энг йирик заҳарли илонлардан бири ҳисобланади. Уларнинг заҳри нафас олиш мушакларида фалажни юзага келтириб, нафас олишни тўхтатади. Илон чаққанидан 15 дақиқа ўтиб, инсон ҳалок бўлиши мумкин. Табиатда қироллик кобралари бошқа турдаги илонлар билан озиқланади ва уч ойгача оч яшай олади.
Изоҳ (0)