Bugun,

  • USD 11095.31
  • RUB 173.84
  • EUR 10772.44

Oliy Majlis Qonunchilik palatasi deputatlari Rasul Kusherbayev, Doniyor G‘aniyev hamda Bekmirza Eshmurzayev Moliya vazirligi va Davlat bojxona qo‘mitasiga import mashinalar boj to‘loviga oid deputatlik so‘rovi yuborgani haqida xabar berilgandi.

Foto: Madina Nurman / “Daryo”

Foto: Madina Nurman / “Daryo”

Deputatlar 2020-yil 23-oktabr kuni hukumatdan import qilinayotgan mashinalar yuzasidan paydo bo‘layotgan masalalarga izoh berishini so‘ragandi. Rasul Kusherbayev, Doniyor G‘aniyev va Bekmirza Eshmurzayevning fikricha, import qilinayotgan avtomashinalar uchun UzAuto Motors va Jizzax avtomobil zavodi tomonidan import boji va utilizatsiya yig‘imi to‘lanmayotgan bo‘lishi mumkin.

Rasul Kusherbayevning ma’lum qilishicha, 5-noyabr kuni mazkur so‘rovga Davlat bojxona qo‘mitasidan javob kelgani haqida unga xabar berilgan, ammo javob deputatlarning qo‘liga berilmagan. Chunki javob maxfiy hujjat sifatida yuborilgan.

“Tasavvur qilyapsizmi: jamiyatni, jamoatchilikni qiziqtirayotgan, davlat va jamiyat xavfsizligiga bog‘liq bo‘lmagan masalada bizning ochiq yuborayotgan so‘rovlarimizga javoblar maxfiy, qo‘mita raisining nuqtayi nazari ham maxfiy va biz undan foydalana olmaymiz. Kulishni ham, yig‘lashni ham bilmaysan.

Boshqalardan farqli o‘laroq deputat faoliyati ochiq bo‘lib, jamoatchilikni qiziqtirgan masalalar yuzasidan oshkora muloqotlar olib borishni burchimiz deb bilganimiz sababli kelgusida bizni qandaydir ‘qo‘rqinchli sir’larni oshkor etib, yo‘q obro‘sini tushirishda ayblamasliklarini xohladik. Shundoq ham payt poylab turishibdi.

Shu nuqtayi nazardan qo‘limizga olish mumkin bo‘lmasa-da, faqat tanishib, keyin jim yurilishi kerak bo‘lgan maxfiy javob bilan tanishishdan bosh tortdik. Shu bois bu so‘rovga javob olmadik, deb hisoblasak ham bo‘laveradi”, — deb yozgan deputat.

“Katta ehtimol bilan Moliya vaziri ham javobda shunday ‘priyom’ qo‘llasa kerak. Kutamiz, lekin qaytish yo‘q”, — deya qo‘shimcha qilgan Kusherbayev.

Eslatib o‘tamiz, UzAuto Motors kompaniyasining O‘zbekiston Monopoliyaga qarshi kurashish qo‘mitasi maxsus komissiyasining 2020-yil 19-avgustdagi qarorini haqiqiy emas deb topish to‘g‘risidagi shikoyat arizasini ko‘rib chiqish bo‘yicha o‘tkazilayotgan sud jarayonida UzAuto Motors tovarlar narxini shakllantirish maxfiy hujjatlarga asoslanganini bildirgan va sud 16-oktabrdagi majlisda ishni yopiq tartibda ko‘rishni boshlagandi. Yakunda esa sud ishni UzAuto Motors foydasiga hal qilib, Monopoliyaga qarshi kurashish qo‘mitasi maxsus komissiyasining qarorini haqiqiy emas deb topgandi.

Rasul Kusherbayev sudning mazkur qaroriga munosabat bildirib, “Yangi O‘zbekistondagi eski O‘zbekistonga ‘g‘alaba’ muborak”, — deb yozgandi.

Shuningdek, Monopoliyaga qarshi kurashish qo‘mitasi tomonidan o‘tkazilgan tekshiruv yakunlari bo‘yicha UzAuto Motors AJda qonunchilik hujjatlarining buzilishi, korrupsion holatlar va iste’molchilarning huquqlariga putur yetkazish kabi alomatlar ko‘rinayotganligi sababli Rasul Kusherbayev bir guruh deputatlar bilan birga Bosh prokuratura mahkamasi tomonidan o‘rganilib, huquqiy baho berilishi va jinoyat alomatlari bor yoki yo‘qligi yuzasidan o‘z nuqtayi nazarini bayon etishni so‘rab, 2020-yilning 21-avgust kuni bosh prokurorga deputatlik so‘rovi yuborgan. Bosh prokurorga yo‘llagan so‘rovga 65 kun kechikib javob qaytarilgan va UzAuto Motors’ga qarshi jinoiy ish ochish rad etilgan.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)