«Шеффилд Юнайтед» бош мураббийи Крис Уайлдер Премьер Лигасида бешта захира тизимига ўтишга қарши эканини маълум қилди.
Аввалроқ Юрген Клопп («Ливерпуль»), Пеп Гвардиола («Манчестер Сити») ва бошқа бир қатор мураббийлар АПЛга бешта алмаштириш қоидасини қайтариш кераклиги ҳақида гапирганди.
Бу топ-мураббийларни ҳурмат қиламан, чунки улар юқори натижа қайд этмоқда ва ғалаба қозоняпти. Бироқ улар эгоист, улар фақат ўз клуби ҳақида ўйлайди. Улар «Шеффилд Юнайтед» ҳақида қайғурмайди, улар Англия учун қайғурмайди.Эслатиб ўтамиз, коронавирус пандемияси сабаб тўхтаб қолган 2019/20 йилги мавсум рестартидан кейин АПЛда бешта ўйинчи алмаштириш қоидаси муомалага киритилди. Бироқ 2020/21 йилги мавсум бошида қатор клублар қарши чиққани сабаб ушбу қоида бекор қилинди.Улар фақат «Ливерпуль», «Манчестер Сити» ва «Челси» ҳақида ўйлайди, уларни тушунаман ва ҳурмат қиламан. Мен ҳам ўзимни шундай тутган бўлардим. Бироқ мен «Шеффилд»га қайғураман ва бизга бешта захира ёрдам бермайди.
Ўйлашимча, оддий одам ҳафтасига 250 минг фунт маош олиб, 18 кишилик қайдномадан ўрин олмайдиган ўйинчига ачинмайди. Мендан сўрасангиз, бу бемаънилик.
Мен топ-клубларга ачинмайман. Агар «Манчестер Сити» чоршанба куни Мўғулистонда ўйнаб, кейин эса шанба куни 12:30 да ўйнашига тўғри келса, келинг, шундай бўла қолсин! Агар бу бизнинг фойдамизга хизмат қилса, биз бажонидил ундан фойдаланамиз. Чунки футболнинг асоси шундан иборат.
Крис Уайлдер, «Шеффилд Юнайтед» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)