Футбол бўйича Англия чемпионатининг 9-турида «Челси» 21 ноябрь, шанба куни «Ньюкасл» меҳмони бўлди.
Меҳмонлар учрашувнинг 10-дақиқасидаёқ олдинга ўтиб олди. Қанотдан узатилган тўпни мезбонлар футболчиси Федерико Фернандес ўз дарвозасига жойлаб қўйди.
65-дақиқада «Челси» иккинчи голни ҳам урди: Тимо Вернер майдон марказидан тезлик олиб жарима майдони яқинида Тэмми Абраҳамни қулай имкониятга олиб чиқди. Англиялик ҳужумчи эса ўз вазиятини кўкка совурмади.
Шу тариқа «кўклар»нинг очкоси 18 тага етди ва жамоа 1-ўринга кўтарилди. «Ньюкасл» (11) эса 13-поғонада қолди.
Фрэнк Лэмпард шогирдлари АПЛ доирасидаги кейинги ўйинни 29 ноябрь куни «Тоттенҳэм»га қарши ўтказади.
АПЛ
9-тур баҳси
21 ноябрь, шанба
«Ньюкасл» — «Челси» 0:2
Голлар: 0:1 – 10, автогол Фернандес, 0:2 – 65 Абраҳам.«Ньюкасл»: Дарлоу, Ласселс (Шер, 46), Льюис, Фернандес, Манкильо (Альмирон, 65), Лонгстафф, Ҳейден, Сен-Максимен (Керролл, 74), Мёрфи, Кларк, Жоэлинтон.
«Челси»: Менди, Рюдигер, Зума, Чилуэлл (Эмерсон, 82), Жеймс, Ковачич, Маунт, Канте, Зиёш (Жиру, 87), Вернер (Ҳадсон-Одои, 76), Абраҳам.
Огоҳлантиришлар: Ҳейден (39), Мёрфи (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)