Мексикада чўкиб кетмаслик учун панжарага осилиб турган лабрадор денгизчилар томонидан қутқарилди (видео)

2020 йилнинг ноябрь ойида Мексикада ёғган кучли ёмғир туфайли мамлакатнинг жанубий штатларида тошқин юзага келди. Мексиканинг Табаско штатида денгизчилар тошқин вақтида лабрадорни қутқариб олди. Қутқариш вақтида тасвирга олинган видео Facebook тармоғига жойлаштирилган.

Ит сувда чўкиб кетмаслик учун уй деразасининг панжарасини маҳкам ушлаб олган ҳолда топилган. Қутқарувчилар лабрадорга дарҳол ёрдам кўрсатишга муваффақ бўлган.