«Манчестер Юнайтед» клуби ва Англия терма жамоаси ҳужумчиси Маркус Рэшфорд болаларда китоб ўқишга бўлган қизиқишни ошириш учун китобхонлар клубини очди, дея хабар қилмоқда Sky Sports.
Ўйинчи бу масалада Macmillan Children's Books (MCB) билан ҳамкорликда ишламоқда. Унинг мақсади исталган ижтимоий табақадаги болаларга китобга эга бўлиш имкониятини яратиш. MCB вакилларига кўра, китоблар илк навбатда аҳолининг кам таъминланган қатламига тақдим этилади.
Рэшфорд ўз вақтида китоб ўқишни жуда хоҳлагани, бироқ оиласининг даромади асосан озиқ-овқат учун сарфлангани ҳақида гапирди.
Аввалроқ Рэшфорд пандемия сабаб ўз уйида таълим олаётган болаларни тушлик билан таъминлаш борасида Буюк Британия ҳукуматига таклиф билан чиққан ва ўз мақсадига эришганди. Бунинг учун футболчи Британия империяси ордени кавалери унвони билан тақдирланганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)