«Бока Хуниорс» ҳужумчиси Карлос Тевес Аргентина чемпионати рекордини ўрнатди.
36 ёшли футболчи «Телерес»га қарши ўйиннинг 3-сониясида рақиб футболчиси Томас Почеттинога нисбатан буцасининг таг қисми билан қўпол ҳаракат қилди ва огоҳлантирилди. Бу лига тарихидаги энг тезкор сариқ карточка ҳисобланади.
Тевес учрашув охиригача ўйнади, бироқ «Бока Хуниорс» ўйинни тўққиз киши бўлиб якунлади: ҳимоячи Карлос Искердос ва ҳужумчи Агустин Обандо қизил карточка олган ҳолда майдонни тарк этган.
https://twitter.com/newellsorgullo/status/1328154072944349184
Таъкидлаш жоиз, Тевес бир тур аввал «Нюеллс Олд Бойз» дарвозабони Алан Агеррега нисбатан қўпол ҳаракат қилган, натижада 30 ёшли посбоннинг тирсаги чиқиб кетганди. Агерре операция қилинади ва жорий мавсумда бошқа ҳаракат қила олмайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)