Режиссёр Крис Коламбус Insider’га берган интервьюси давомида ҳозирда Disney+ учун қайта яратилаётган «Уйда ёлғиз» комедиясининг ремейкини муҳокама қилди. Режиссёр янги версия нимага кераклигини умуман тушунмаслигини ва бундан «барибир яхши нарса чиқмаслигини» айтган, деб ёзади «Кинопоиск».
«Бу борада мен билан ҳеч ким боғланмади ва тушунишимча, бу вақтни бекорга сарфлаш. Бундан маъни нима? ‘Уйда ёлғиз’ каби узоқ йиллик фильмнинг ремейкини яратишдан ҳеч қандай маъни йўқлигига ишонаман. Энди сизда яна бир бор яшинни бутилкага солиш имкони бўлмайди. Шунчаки ўхшамайди. Хўш, нимага керак бу? Бу худди Disney мультфильмининг тўлиқ нусхасидек — унинг ўйин версияси. Нима маъни бундан? Барчаси бажариб бўлинган. Ўзингизга хос янгилик қилинг. Муафаққиятга учрасангиз-да, энг камида нимадир оригинал нарса ўйлаб топган бўласиз», — дейди Коламбус.
Шу билан бирга, Коламбус «Уйда ёлғиз 2» маъно жиҳатдан биринчи фильмининг ремейки эканлигини тан олади.
The Independent нашрига берган бошқа бир интервьюсида Коламбус Райан Рейнолдс продюссерлик қилишни истаган «Уйда ёлғиз» фильмининг янги версияси тўғрисида ўз фикрларини билдирган эди. Ушбу фильмнинг бош қаҳрамони балоғатга етган омадсиз ва такасалтанг. Рождество куни у оиласи билан тоғ-чанғи курортига йўл олиши керак бўлади, бироқ самолётга кеч қолгани сабаб уйда ёлғиз қолишга қарор қилади. Гиёҳванд моддаларни тўплаб олган йигит байрамни ўзи хоҳлагандек ўтказмоқчи бўлади, бироқ режалар ўзгариб кетади — уйига ўғри тушади.
«Бу кино санъати учун шунчаки ҳақорат. Оригиналини кўринг. Буни унутинг. Янги версия ҳеч қачон оригиналидек яхши бўлмайди», деган эди Коламбус фильм билан танишиб.
Янги «Уйда ёлғиз»нинг сюжети ошкор қилинмаган. Маълум бўлишича, бош қаҳрамон Макс худди Кевин каби ҳолатга тушиб қолади ва уйини номаълум одамлар ҳужумидан ҳимоя қилишга мажбур бўлади.
Изоҳ (0)