14 ноябрь куни Вашингтонда ўн минглаб одамлар «Трамп учун марш»га чиқди — улар (Дональд Трампнинг ўзи каби) АҚШдаги президент сайловлари натижасидан ва кейинги президент демократ Жо Байден бўлишидан норози. Намойишчилар шаҳар марказидан юриб ўтиб, АҚШ Олий суди биносигача борди ва «муттаҳамлик билан ўтказилган сайловларда овозларни ўғирлашни бас қилиш»ни талаб қилди. Акцияга Трампнинг душманлари ҳам келди. Муштлашувлар бошланди, активистлар бир-бирига қарата бутилкалар отди ва ёқалашиб кетди. Иккала томонда ҳам яраланганлар бор, полиция камида 20 кишини қўлга олди. Meduza «Трамп учун марш» ва ундан кейинги тўқнашувлар акс этган суратлар билан бўлишди.
Эслатиб ўтамиз, АҚШда президент сайлови 2020 йил 3 ноябрда бўлиб ўтди. 15 ноябрь ҳолатига кўра натижалар ҳали расман эълон қилинмади. Америка ОАВлари Демократлар партиясидан номзод Жо Байденни ғолиб деб топди, Трамп сайловдаги мағлубиятини ҳали ҳам расман тан олмаган. Байден унинг мағлубиятини тан олишдан бош тортишини шармандалик деб атади.
Трампнинг штаб-квартираси Демократлар бюллетенларни қайта ишлаш тартибини республика кузатувчиларидан яшираётганини таъкидлаб, бир нечта муҳим штатларда қайта ҳисоблашни талаб қилди. Улардан бири – Жоржияда овозлар қўлда ҳисобланадиган бўлди. Федерал прокуратура АҚШ президентлик сайловларида мавжуд қоидабузарликларга оид ҳеч қандай далил топмаганлигини айтган сайловларидаги қонунбузарликни текширишдан бош тортди.
Изоҳ (0)