Президентга хат ёзаётган қашқадарёликларнинг аксарияти Шавкат Мирзиёевдан кўприклар қуриб беришни сўраган. Бу ҳақда давлат раҳбари 13 ноябрь куни Қаршида бўлиб ўтган фаоллар йиғилишида айтиб ўтди, дея хабар бермоқда «Дарё» манбаси.
Маълум бўлишича, вилоятдаги 21 600 километр автомобиль йўлининг 8 700 километри бугунги кунда яроқсиз ҳолга келган. Ҳудуддаги 1,5 мингта кўприкнинг 86 таси эса умуман фойдаланиб бўлмайдиган ҳолатда.
«Қишлоқда яшаётган одамлар розими? Менга келган хатларнинг кўпида ‘кўприк қуриб беринг, президент бува’ деб ёзишган», — деб таъкидлаган Шавкат Мирзиёев масъулларга мурожаат қиларкан.Қайд этиш жоиз, кўприклар — Қашқадарё туманларидаги долзарб муаммолардан. Деярли ҳар йили вилоятнинг чекка ва узоқ қишлоқлари аҳолиси ишдан чиққан, нобоп ва қўлбола кўприклардан азият чекаётгани ҳақида мақолалар берилади.
Қашқадарё кўприклари ҳақида:
- Қашқадарёда ҳомиладорларни туғруқхонага етказиш учун дарёдан замбилда олиб ўтиладиган, жин кўприкдан йиқилганлар эса ногирон бўлиб қолаётган қишлоқ бор
- Қамаши ҳокимлиги авария ҳолатидаги кўприкни таъмирлашдан кўра қайта қуриш кераклигини айтди
- Фото: Деҳқонобод ҳокими — болалар сув кечиб ўтадиган дарё устида. У кўприк қуриб беришга ваъда берди
- «Туғруқ пайти яқинлашган аёлни от ёки эшакда дарёдан олиб ўтамиз». Яккабоғдаги «Дарё» маҳалласи аҳли йўл муаммосидан нолимоқда
- Фоторепортаж: Интернетда шов-шув бўлган Деҳқонободдаги жин кўприклар
Изоҳ (0)