Сандра Баллок ва Киану Ривз: ҳашаматли ҳаётидан воз кечган юлдузлар (фото)

Cosmopolitan узоқ вақтдан бери машҳурликка эришган-у, аммо бойлигини тўғри сарфлашга ва камтарона ҳаёт кечиришга ҳаракат қилаётган юлдузлар рўйхатини тузиб чиқди. Эътиборингизга ҳаётида ҳашамат асосий нарса бўлмаган Голливуд юлдузларини тақдим этамиз.

Рассел Кроу

Кроу Лос-Анжелесда яшаши учун тунни ишда ўтказишига тўғри келишини бирор марта айтиб ўтмаган. Актёрнинг сўзларига кўра, у қуёш чиққанда уйғониши ва дарахтлар тагидаги ўт устида ялангоёқ юриши керак. Актёр Австралияда оиласи билан яшаши учун ўз фермасига кўчиб кетган. У энди фақат иш юзасидан Лос-Анжелесга ташриф буюради.

Сандра Баллок

Голливуднинг афсонавий актрисаси бир бора роль ижро этган ҳамкасблари билан абадий дўстлик ришталарини боғлайди. Хушмуомала, ҳазил туйғусига эга ва камтар Баллок актёрлик карьерасидан ташқари ўзининг яхши ишлари билан ҳам танилган. У 4 маротаба Америка Қизил Хочига миллион доллар хайрия қилди, шунингдек, иккита бола ҳам асраб олган. Илгари Баллок Лос-Анжелесда бахтли оилавий ҳаётнинг иложи йўқ, деб ҳисоблар эди, шунинг учун у Янги Орлеанда яшаган. У ерда ҳаттоки кичик новвойхона ҳам очган. Аммо бир неча йил аввал у яна Беверли Ҳиллзга кўчиб ўтган.

Киану Ривз

Kиaну Лос-Анжелеснинг гавжум жойидан Американинг бир четига қочиб кетмаган бўлса-да, ўзининг камтарлиги билан бутун Голливудда машҳурликка эришган. Актёр кичкина уйда яшайди, дўконларга кўп боришни истамаганлиги учун кийимларини бир неча йиллаб кияди. Шунингдек, актёр ҳеч қачон тансоқчилар хизматидан фойдаланмаган. У шаҳар ичида ҳам хотиржам ҳаракат қилади. Бундан ташқари у музейларга боришни яхши кўради, аммо ресторанларда овқатланишни унчалик ҳам хушламайди. Камтарликда тенги йўқ юлдуз узоқ вақтдан бери пул ҳақида қайғурмагани ва унинг даромади бир неча асрлар давомида ҳам етарли бўлишини таъкидлайди. Актёр саратон касаллиги билан курашувчилар ва уйсизларга ёрдам бериш билан шуғулланади.

Женнифер Гарнер

Истеъдодли актриса ва уч фарзанднинг онаси ҳақли равишда Голливуднинг энг оддий аҳолисидан бири ҳисобланади. Гарнер ҳамиша оддийликни яхши кўрган. Актриса оиласи ва турмуш ўртоғи − актёр ва режиссёр Бен Аффлекни қўллаб-қувватлаш мақсадида карьерасидан воз кечди. Ҳамма уларнинг муносабати шов-шувли тарзда якун топади, деб ўйлаганди. Аммо уларнинг ҳаёти бундай кечмади, Аффлек турмуш ўртоқ танлаш борасида омадли эди.

Хэйден Кристенсен

«Юлдузлар жанги» фильмидан сўнг актёр машҳурликдан шу қадар чарчаган эдики, натижада у ватани Канадага қайтиб, фермада ишлай бошлади. Хэйден нафақат табиат қўйнида яшашни, балки қишлоқ хўжалигига ҳам жиддий қизиқиб қолган. У товуқ ва отлар боқишни, боғ ва мева, сабзавотлар етиштиришни йўлга қўйган. Ҳатто тракторда ер ҳайдашни ҳам ўзи амалга оширади. Энди эса унинг ёнида севимли рафиқаси актриса Рейчел Билсон ва кичкинтойи Брайан Роуз ҳам бор.

Марк Руффало

Марк Голливуд ҳаётининг асл қийматини жуда яхши билади. Руффало 32 ёшидан сўнг машҳурликка эришди, аммо шу вақтгача у гоҳида зўрға ҳаёт кечирарди. Аммо актёр карьераси яхшиланиб бориши билан унга хавфли касаллик ташхиси қўйилди. Айни пайтда унинг соғлиғи жойида бўлса-да, унинг бир қулоғи эшитмайди. Касалликдан сўнг Руффало рафиқаси ва уч фарзанди билан камтарона турмуш тарзини бошлади.