Forbes журнали энг кўп пул ишлаб топган марҳум юлдузлар рейтингини эълон қилди. Журнал сайтида эълон қилинган рўйхатда 2009 йилда вафот этган Майкл Жексон қаторасига саккизинчи марта етакчилик қилган.
Маълум қилинишича, хонанда номидан ишлаб топилган 48 миллион долларнинг 70 фоиздан ортиғи Sony компанияси ва Майкл томонидан ташкил қилинган Mijac Music лейблининг узоқ муддатга тузилган битимидан келиб тушган.
1991 йилда вафот этган америкалик ёзувчи Доктор Сьюз китоблари сотуви ҳисобига 33 миллион даромад билан рейтингда иккинчиликка лойиқ деб топилган.
Рассом-карикатурачи Чарльз Шульц етакчилар орасида учинчи бўлган. 25 миллион доллар билан Арнольд Палмер тўртинчи, хонанда Элвис Пресли эса ундан икки миллион кам кўрсаткич билан бешинчи деб топилган.
Коби Брайант 20 миллион билан рўйхатда олтинчи, Juice WRLD эса 15 миллион доллар маблағ билан еттинчи ўринга лойиқ деб топилган.
Саккизинчи ўринда 14 миллион билан Боб Марли, ундан атиги бир миллион доллар кам даромад билан эса Жон Леннон тўққизинчи бўлган.
Ўнталик сўнгидан Принс номи (10 миллион) ўрин олган.
Рейтингда Фредди Меркьюри (9 миллион) ўн биринчи, Жорж Харрисон (8,5 миллион) ўн иккинчи бўлган ва 8 миллион даромад билан Мерилин Монро рейтингга якун ясаган.
Мавзуга доир:
- Forbes энг кўп пул ишлаб топган актрисалар рўйхатини эълон қилди. София Вергара рейтингда биринчи деб топилган
- Amazon асосчиси Жефф Безоснинг собиқ рафиқаси дунёдаги энг бой аёлга айланди
- Forbes биринчи марта энг кўп пул топадиган Tik Tok юлдузлари рейтингини эълон қилди
- Forbes энг кўп ҳақ тўланадиган машҳурлар рейтингини эълон қилди. Унда нашр миллиардер унвонидан маҳрум қилган Кайли Женнер етакчилик қилди
- Дунёнинг энг кўп ҳақ тўланадиган актёри Дуэйн Жонсон ва унинг оила аъзолари коронавирусни бошдан кечирди
- Ҳашаматли уйлар, бриллиант ҳамда қимматбаҳо автомобиллар: Сайёранинг энг бадавлат рэперлари қандай яшайди?
- Билл Гейтс Уоррен Баффеттнинг 90 ёшга тўлиши муносабати билан унинг портрети туширилган торт пиширди (видео)
- Тилладан тикилган кийимлар, шахсий самолётида келган меҳмонлар: Дунёнинг энг кўп пул сарфланган, дабдабали тўйлари (фото)
Изоҳ (0)