Sandra Ballok va Kianu Rivz: hashamatli hayotidan voz kechgan yulduzlar (foto)

Cosmopolitan uzoq vaqtdan beri mashhurlikka erishgan-u, ammo boyligini to‘g‘ri sarflashga va kamtarona hayot kechirishga harakat qilayotgan yulduzlar ro‘yxatini tuzib chiqdi. E’tiboringizga hayotida hashamat asosiy narsa bo‘lmagan Gollivud yulduzlarini taqdim etamiz.

Rassel Krou

Krou Los-Anjelesda yashashi uchun tunni ishda o‘tkazishiga to‘g‘ri kelishini biror marta aytib o‘tmagan. Aktyorning so‘zlariga ko‘ra, u quyosh chiqqanda uyg‘onishi va daraxtlar tagidagi o‘t ustida yalangoyoq yurishi kerak. Aktyor Avstraliyada oilasi bilan yashashi uchun o‘z fermasiga ko‘chib ketgan. U endi faqat ish yuzasidan Los-Anjelesga tashrif buyuradi.

Sandra Ballok

Gollivudning afsonaviy aktrisasi bir bora rol ijro etgan hamkasblari bilan abadiy do‘stlik rishtalarini bog‘laydi. Xushmuomala, hazil tuyg‘usiga ega va kamtar Ballok aktyorlik karyerasidan tashqari o‘zining yaxshi ishlari bilan ham tanilgan. U 4 marotaba Amerika Qizil Xochiga million dollar xayriya qildi, shuningdek, ikkita bola ham asrab olgan. Ilgari Ballok Los-Anjelesda baxtli oilaviy hayotning iloji yo‘q, deb hisoblar edi, shuning uchun u Yangi Orleanda yashagan. U yerda hattoki kichik novvoyxona ham ochgan. Ammo bir necha yil avval u yana Beverli Hillzga ko‘chib o‘tgan.

Kianu Rivz

Kianu Los-Anjelesning gavjum joyidan Amerikaning bir chetiga qochib ketmagan bo‘lsa-da, o‘zining kamtarligi bilan butun Gollivudda mashhurlikka erishgan. Aktyor kichkina uyda yashaydi, do‘konlarga ko‘p borishni istamaganligi uchun kiyimlarini bir necha yillab kiyadi. Shuningdek, aktyor hech qachon tansoqchilar xizmatidan foydalanmagan. U shahar ichida ham xotirjam harakat qiladi. Bundan tashqari u muzeylarga borishni yaxshi ko‘radi, ammo restoranlarda ovqatlanishni unchalik ham xushlamaydi. Kamtarlikda tengi yo‘q yulduz uzoq vaqtdan beri pul haqida qayg‘urmagani va uning daromadi bir necha asrlar davomida ham yetarli bo‘lishini ta’kidlaydi. Aktyor saraton kasalligi bilan kurashuvchilar va uysizlarga yordam berish bilan shug‘ullanadi.

Jennifer Garner

Iste’dodli aktrisa va uch farzandning onasi haqli ravishda Gollivudning eng oddiy aholisidan biri hisoblanadi. Garner hamisha oddiylikni yaxshi ko‘rgan. Aktrisa oilasi va turmush o‘rtog‘i − aktyor va rejissor Ben Afflekni qo‘llab-quvvatlash maqsadida karyerasidan voz kechdi. Hamma ularning munosabati shov-shuvli tarzda yakun topadi, deb o‘ylagandi. Ammo ularning hayoti bunday kechmadi, Afflek turmush o‘rtoq tanlash borasida omadli edi.

Xeyden Kristensen

“Yulduzlar jangi” filmidan so‘ng aktyor mashhurlikdan shu qadar charchagan ediki, natijada u vatani Kanadaga qaytib, fermada ishlay boshladi. Xeyden nafaqat tabiat qo‘ynida yashashni, balki qishloq xo‘jaligiga ham jiddiy qiziqib qolgan. U tovuq va otlar boqishni, bog‘ va meva, sabzavotlar yetishtirishni yo‘lga qo‘ygan. Hatto traktorda yer haydashni ham o‘zi amalga oshiradi. Endi esa uning yonida sevimli rafiqasi aktrisa Reychel Bilson va kichkintoyi Brayan Rouz ham bor.

Mark Ruffalo

Mark Gollivud hayotining asl qiymatini juda yaxshi biladi. Ruffalo 32 yoshidan so‘ng mashhurlikka erishdi, ammo shu vaqtgacha u gohida zo‘rg‘a hayot kechirardi. Ammo aktyor karyerasi yaxshilanib borishi bilan unga xavfli kasallik tashxisi qo‘yildi. Ayni paytda uning sog‘lig‘i joyida bo‘lsa-da, uning bir qulog‘i eshitmaydi. Kasallikdan so‘ng Ruffalo rafiqasi va uch farzandi bilan kamtarona turmush tarzini boshladi.