Мессининг ақли, Неймарнинг техникаси ва Салоҳнинг кучи. Трент Александер-Арнольд тасаввуридаги идеал ўйинчи

«Ливерпуль» ҳимоячиси Трент Александер-Арнольд айни дамда тўп сураётган футболчиларнинг салоҳиятларини жамлаган ҳолда идеал ўйинчини яратди.

Ақл, чап оёқ: Лионель Месси

«Ростини айтсам, Мессини беш-олтита тоифага киритиш мумкин. Унда ожиз томоннинг ўзи йўқ».

Ўнг оёқ: Кевин де Брюйне

«У узатмалар борасида мен қарши ўйнаган футболчилар ичида энг яхшиси».

Тезлик: Адама Траоре

«Ундан бошқа ҳеч ким олдида бу қадар ожиз қолмаганман. У йўналишни ўзгартириб сендан қочиб қолиши табиийликка хос эмас».

Чидамлилик: Жеймс Милнер

«Ҳали ҳам жисмоний томондан тайёр ўйинчи».

Бош билан ўйин: Виржил ван Дейк

«Ҳар икки жарима майдонида юқори қаватда устунликка эга».

Куч: Муҳаммад Салоҳ

«У ақл бовар қилмас даражада кучли ва чақмоқ каби тезкор. У тўпни қандай яширишни билади. Бундан ташқари бақувват.

Техника: Неймар

«Бутун танасини бошқаришда жуда яхши. У сени мувозанатдан чиқаради, сени бошқа томонга йўналтиради, ўзи эса бошқа томонга қочади».