Халқаро майдонда 14 ноябрь, шанба куни бир қатор ўртоқлик учрашувлари ўтказилди.
ЖЧ—2022 саралашида Ўзбекистон билан бир гуруҳдан жой олган Саудия Арабистони терма жамоаси Ямайкага қарши баҳс юритди ва йирик ҳисобдаги ғалабани қўлга киритди. Учрашувнинг 10-дақиқасида Салим ад-Довсари пенальтини ижро этди, унинг дастлабки зарбасини дарвозабон бартараф этди, қайтган тўпга биринчи бўлиб етиб келган ҳужумчи тўпни дарвозага жойлаб қўйди.
Биринчи бўлим якунланиши арафасида Солиҳ аш-Шеҳри мезбонларнинг иккинчи голини урган бўлса, 77-дақиқада Фирас Албиракан ҳисобни йирик кўриниш олдирди.
Яна бир ўртоқлик баҳси Мексика ва Жанубий Корея терма жамоалари ўртасида кечди. Дастлаб кореяликлар 21-дақиқада олдинга ўтиб олди: Сон Ҳён Миннинг узатмасини Ҳван I Жо дарвозага жойлади.
Иккинчи бўлимнинг ўрталарига келиб мексикаликлар тўрт дақиқада ичида учта гол урган ҳолда вазиятни ўнглади. Бунга Осиё вакиллари сўнгги дақиқаларда Квон Кюн Воннинг голи билан жавоб қайтарди.
Ўртоқлик ўйинлари
14 ноябрь, шанба
Саудия Арабистони — Ямайка 3:0
Голлар: 1:0 – 10 ад-Довсари, 2:0 – 44 аш-Шеҳри, 3:0 – 77 Албиракан.Мексика — Жанубий Корея 3:2
Голлар: 0:1 – 21 Ҳван I Жо, 1:1 – 67 Хименес, 2:1 – 69 Антуна, 3:1 – 71 Сальседо, 3:2 – 88 Квон Кюн Вон.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)