Ярим енгил вазн тоифасида ҳаракат қилувчи UFC жангчиси Забит Магомедшарипов 2021 йилги мусобақалардан бирининг асосий жангида иштирок этади.
Бу ҳақда унинг менежери Ризвон Магомедов хабар қилди. Ҳозирча унга ким рақиблик қилиши номаълум.
«Забит иштирокидаги жанг январь ойидаги мусобақалардан бирининг асосий воқеаси бўлади, у беш раундлик жангда иштирок этади. Яир Родригес — ишончли вариант эмас, у бир неча бор жангдан чиқиб кетди ва шундан кейин ҳам жуда кўп гапирмоқда», — дейди Магомедов.
29 ёшли Магомедшарипов профессионал MMA билан 2012 йилдан буён шуғулланиб келади. У сўнгги бор 2019 йилнинг ноябрида жанг қилган ва унда Келвин Каттарни мағлуб этганди. У MMA’да 18 марта ғалаба қозониб, бир марта мағлубиятга учраган.
Забит Магомедшарипов иштирокидаги барча жангларни томоша қилинг (видео)
Забит ва Яир ўртасидаги жанг август ойида бўлиб ўтиши белгиланган, бироқ Родригеснинг жароҳати сабаб беллашув қолдирилганди. Аввалроқ бу икки жангчи UFC 254 мусобақасида тўқнаш келиши мумкинлиги айтилган, бироқ бу ҳам амалга ошмаганди.
Маълумот учун, россиялик яккакурашчи ярим енгил вазн тоифаси рейтингида 3-ўринда бормоқда, Родригес эса ундан кейинги ўринга жойлашган. Мазкур дивизион чемпиони Александр Волкановски ҳисобланади.
Изоҳ (0)