«Барселона» кино оламига йўл қидирмоқда.
Журналист Сике Родригеснинг хабар қилишича, «кўк-анорранглилар» раҳбарияти Голливуднинг бир қатор вакиллари билан учрашган ва АҚШ киностудияларининг бири билан ҳамкорлик қилиш ниятида.
«Барселона» кинога янги даромад манбайи ва клуб брендини тарғиб қиладиган восита сифатида қарамоқда. Жамоа киноиндустрия орқали 200 миллион еврога яқин маблағ ишлаб олиш ниятида: 100 миллион — бўлажак кинолойиҳадан, яна 100 миллион эса бизнеснинг ривожланиши эвазига.
Аввалроқ коронавирус сабаб «Барселона»нинг даромадлари 14 фоизга тушиб кетгани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)