Тошкент шаҳар ички ишлар бошқармаси TikTok ижтимоий тармоғида ўз аккаунтини очди, дея хабар бермоқда Spot.
Хабар эълон қилинаётган вақтда 3 та видео ва 24 та обуначи бор эди. Шаҳар ички ишлар бошқармаси биринчилардан бўлиб Хитой ижтимоий тармоғига қўшилган давлат идораларидан бири бўлди.
Маълум қилинишича, TikTok Ўзбекистондаги энг кўп юклаб олинган дастур бўлиб қолмоқда. Дунё бўйлаб дастур аудиторияси ойлик 700 миллион фаол фойдаланувчиларни ташкил қилди ва августга қадар дастур 2 миллиард марта юклаб олинган.
«TikTok аудиторияси демографик кўрсаткичлари билан ажралиб туради – ёшроқ фойдаланувчилар ва кўпроқ қизлар. Instagram ва Facebook’да эса асосан эркаклар ўтиришади», – дейди маркетинг бўйича менежер Денис Роман.
Аввалроқ асли ўзбекистонлик бўлган Россиянинг энг сердаромад тиктокери Раҳим Абрамов ҳақида мақола эълон қилинганди.
Изоҳ (0)