Ўзбекистон таълим муассасаларига ўқишга қабул қилиш бўйича Давлат комиссияси мажлисининг 7-сон баёни қарорига мувофиқ 56,7 дан кўп ва 100 баллдан кам тўплаганларга ҳам ўқишини тиббиёт йўналишига кўчиришга рухсат берилди. Бу ҳақда Олий ва ўрта махсус таълим вазирлиги хабар берди.
«Соғлиқни сақлаш вазирлиги тизимидаги олий таълим муассасаларига ўқишини кўчириш учун рўйхатдан ўтган ва ўтказилган онлайн тест синовлари натижаларига кўра 56,7 балл ва ундан юқори балл, аммо Соғлиқни сақлаш вазирлиги томонидан белгиланган ўтиш балидан кам балл тўплаган фуқароларнинг ўқишини уларнинг аризаларига мувофиқ Қорақалпоғистон Республикаси ва вилоятларда жойлашган тиббиёт олий таълим муассасаларининг мос ёки турдош бакалавриат таълим йўналишларига кўчиришга рухсат берилди», — дейилади хабарда.
Таъкидланишича, Соғлиқни сақлаш вазирлиги беш кун муддатда ушбу тоифадаги талабгорлардан аризаларни қабул қилиб, ҳудудлардаги тиббиёт олий таълим муассасаларига қайта тақсимлайди.
Мавзуга доир: Ўзбекистон ОТМларига 101 нафар чин етим абитуриент давлат гранти асосида талабаликка қабул қилинди
Изоҳ (0)