Сирдарё ЙҲХБга тегишли 4 ойда 15 марта қоида бузган автомобиль «кечиктириб бўлмайдиган хизмат вазифаларини бажарганлиги» сабаб жарималардан озод этилди

Ижтимоий тармоқда тарқалган «Ашаддий қоидабузар? Ёки қарийб 4 ойда 15 та фоторадарга тушган ЙПХ ходими» сарлавҳали хабар юзасидан Сирдарё вилояти ИИБ ЙҲХБ ахборот хизмати томонидан расмий муносабат билдирилди.

Қайд этилишича, 2020 йилнинг 3 ноябрь куни ижтимоий тармоқда «Ашаддий қоидабузар? Ёки қарийб 4 ойда 15 та фоторадарга тушган ЙПХ ходими» сарлавҳаси остида Сирдарё вилояти ИИБ ЙҲХБга тегишли бўлган Lacetti русумли давлат рақам белгиси 20 729 VSF бўлган транспорт воситасининг фоторадарга тушганлиги бўйича хабар тарқалган.

Маълум қилинишича, 2020 йилнинг июль–октябрь ойларида Сирдарё вилояти ИИБ ЙҲХБ ЙПХга тегишли Lacetti русумли давлат рақам белгиси 20 729 VSF бўлган транспорт воситасида вилоят ҳудудида белгиланган ҳаракат тезлигини ошириб ҳаракатланганлиги сабабли Маъмурий жиноят тўғрисидаги кодексининг 128-3-моддаси (транспорт воситалари ҳайдовчиларининг белгиланган ҳаракат тезлигини ошириб юбориши) 1, 2, 3-қисмларида назарда тутилган ҳуқуқбузарликлар юзасидан ишлар ўрганилган.

Таъкидланишича, Сирдарё вилояти ҳудудидан ўтган асосий транзит йўллар 8 та вилоятни Тошкент шаҳри билан боғлаб турувчи халқаро аҳамиятдаги йўл ҳисоблангани боис ЙПХ махсус кузатувлари кўп амалга оширилади.

Сирдарё вилояти ИИБ ЙҲХБ ЙПХга тегишли бўлган 20 729 VSF транспорт воситаси 2020 йилнинг 1 июль кунидан 30 октябрь кунига қадар махсус кузатувларга жалб этилганлиги ва кечиктириб бўлмайдиган хизмат вазифаларини бажаргани маълум бўлгани сабабли Маъмурий жиноят тўғрисидаги кодексининг 17-1-моддаси (махсус автоматлаштирилган фото ва видео қайд этиш техника воситалари орқали қайд этилган йўл ҳаракати қоидаларини бузганлик учун шахсларнинг маъмурий жавобгарлиги) ҳамда 271-моддаси 4-бандига (шахс ҳаракатни зарурий мудофаа ҳолатида ёки охирги зарурат ҳолатида қилган бўлса, маъмурий ҳуқуқбузарлик тўғрисидаги ишларни юритишни тугатиш) асосан RS-20189318211, RS-20188810121, RS-20256416038, RS-20363491345, RS-20387629838, RS-20394531091, RS-20394689755, RS-20139344319, RS-20269149135, RS-20394708582, RS-20189318292, RS-20329090061, RS-20313285836, RS-20326270631, RS-20396019870 рақамли жарима солиш тўғрисидаги қарорлар бекор қилиниб, маъмурий иш тугатилган.