Ijtimoiy tarmoqda tarqalgan “Ashaddiy qoidabuzar? Yoki qariyb 4 oyda 15 ta fotoradarga tushgan YPX xodimi” sarlavhali xabar yuzasidan Sirdaryo viloyati IIB YHXB axborot xizmati tomonidan rasmiy munosabat bildirildi.
Qayd etilishicha, 2020-yilning 3-noyabr kuni ijtimoiy tarmoqda “Ashaddiy qoidabuzar? Yoki qariyb 4 oyda 15 ta fotoradarga tushgan YPX xodimi” sarlavhasi ostida Sirdaryo viloyati IIB YHXBga tegishli bo‘lgan Lacetti rusumli davlat raqam belgisi 20 729 VSF bo‘lgan transport vositasining fotoradarga tushganligi bo‘yicha xabar tarqalgan.
Ma’lum qilinishicha, 2020-yilning iyul–oktabr oylarida Sirdaryo viloyati IIB YHXB YPXga tegishli Lacetti rusumli davlat raqam belgisi 20 729 VSF bo‘lgan transport vositasida viloyat hududida belgilangan harakat tezligini oshirib harakatlanganligi sababli Ma’muriy jinoyat to‘g‘risidagi kodeksining 128-3-moddasi (transport vositalari haydovchilarining belgilangan harakat tezligini oshirib yuborishi) 1, 2, 3-qismlarida nazarda tutilgan huquqbuzarliklar yuzasidan ishlar o‘rganilgan.
Ta’kidlanishicha, Sirdaryo viloyati hududidan o‘tgan asosiy tranzit yo‘llar 8 ta viloyatni Toshkent shahri bilan bog‘lab turuvchi xalqaro ahamiyatdagi yo‘l hisoblangani bois YPX maxsus kuzatuvlari ko‘p amalga oshiriladi.
Sirdaryo viloyati IIB YHXB YPXga tegishli bo‘lgan 20 729 VSF transport vositasi 2020-yilning 1-iyul kunidan 30-oktabr kuniga qadar maxsus kuzatuvlarga jalb etilganligi va kechiktirib bo‘lmaydigan xizmat vazifalarini bajargani ma’lum bo‘lgani sababli Ma’muriy jinoyat to‘g‘risidagi kodeksining 17-1-moddasi (maxsus avtomatlashtirilgan foto va video qayd etish texnika vositalari orqali qayd etilgan yo‘l harakati qoidalarini buzganlik uchun shaxslarning ma’muriy javobgarligi) hamda 271-moddasi 4-bandiga (shaxs harakatni zaruriy mudofaa holatida yoki oxirgi zarurat holatida qilgan bo‘lsa, ma’muriy huquqbuzarlik to‘g‘risidagi ishlarni yuritishni tugatish) asosan RS-20189318211, RS-20188810121, RS-20256416038, RS-20363491345, RS-20387629838, RS-20394531091, RS-20394689755, RS-20139344319, RS-20269149135, RS-20394708582, RS-20189318292, RS-20329090061, RS-20313285836, RS-20326270631, RS-20396019870 raqamli jarima solish to‘g‘risidagi qarorlar bekor qilinib, ma’muriy ish tugatilgan.
Mavzuga doir:
- O‘zbekistonda tezligi soatiga 40 kilometrdan oshadigan elektroskuter va elektromototsikllar davlat ro‘yxatidan o‘tkaziladigan bo‘ldi
- O‘zbekiston Ichki ishlar vazirligi UMO seriyali davlat raqami taqilgan mashina suratiga izoh berdi
- Andijon viloyati hokimligi internetda audioyozuvi tarqalgan Bo‘ston hokimiga ogohlantirish berdi
Izoh (0)