Коронавирусдан ҳимояланиш мақсадида бир вақтнинг ўзида тақилган ниқоб ва кўзойнак бироз қийинчилик туғдириши ҳаммага аён. Сабаби ниқоб ичида йиғилган иссиқ нафас кўзойнакнинг буғланишига олиб келади. Бу эса атрофни кўришда муаммолар пайдо қилади. Аммо японлар бунинг янгича ечимини ўйлаб топди, деб ёзади Travel Ask.
Бундан 6 ой муқаддам бутун дунё ниқоб ва кўзойнак тақади, деса ишониш қийин эди. Шунингдек, пандемиянинг бу қадар узоқ чўзилиши ҳам ҳеч кимнинг хаёлига келмаган. Аста-секин инсонлар COVID-19 тарқалиши билан боғлиқ хавфсизлик чораларини виждонан қабул қила бошлади. Дастлаб ҳеч ким уйидан чиқмаган бўлса, бора-бора ҳимоя воситалари билан кўчаларга чиқиш бошланди.
Ниқоб эса уйдан чиқишдан аввал олиниши керак бўлган муҳим ашёлардан бирига айланди. Калит, телефон ва ниқоб – 2020 йилда уйдан чиқишдан аввал ёдга олиниши керак бўлган стандарт буюмлар рўйхати. Ниқоб тақишга одатланиш жуда қийин кечди, сабаби нафас етишмагандек туюлади, қулоқлар оғрийди.
Японлар ниқоб таққанда кўзойнаклар буғланмаслиги учун ажойиб лайфхак ўйлаб топди. Сабаби ниқоб тақиш кўриш қобилиятини яхшиловчи кўзойнакка ҳар томонлама халақит беради. Кўзойнак тагида турган ниқоб инсон оғзидан чиқарган карбонат ангидридни тўғридан-тўғри юқорига, кўзойнаклар остига юборади. Натижада ҳар икки дақиқада буғланган кўзойнакни артишга тўғри келади.
Маълумки, бир марта ишлатишга яроқли ниқобнинг юқори қисмида махсус сим жойлаштирилган бўлади. Демак, уни тақишдан аввал ички томонга қайириб, сўнгра бурун шаклига мослаштирилади. Шундан сўнг чиқарилаётган нафас кўзойнакни буғлантирмайди, сабаби ҳосил бўлган карбонат ангидрид ниқобнинг тўсиғи орқали қайтарилади. Ушбу усул ҳар қандай инсонга совуқ мавсумда ниқоб ва кўзойнакни хавфсиз тарзда бирлаштириш имконини беради.
Мавзуга доир:
Изоҳ (0)