Акциядорлик-тижорат «Қишлоқ қурилиш банк» мижозларга қулайлик яратиш, аҳолини замонавий банк хизматлари билан таъминлаш мақсадида ўз инфратузилмалари фаолиятини такомиллаштириб бормоқда. Республика ҳудудларида банк инфратузилмалари тармоғи кенгаймоқда ва банк филиаллари замонавий банк технологиялари билан жиҳозланмоқда.
Куни кеча банкнинг Хонқа филиали янги маъмурий бинода иш бошлади. Шу муносабат билан тадбир ташкил этилди. Унда сўзга чиққан АТБ «Қишлоқ қурилиш банк» Бошқаруви раиси ўринбосари Бобохон Бобожонов, Хонқа тумани ҳокими Омонбой Жуманазаров ва бошқалар давлатимиз раҳбари ташаббуси билан Ўзбекистон банк тизимида туб ўзгаришлар амалга оширилаётганлигини, «Банк — мижоз учун» тамойили кундалик ҳаётимизда ёрқин аксини топаётганини, бунинг исботини Хонқа филиалининг янги биносида яратилган қулайликлар мисолида ҳам кўриш мумкинлигини таъкидладилар.
«Қишлоқ қурилиш банк» Хонқа филиали биносида мижозларга тезкор ва сифатли хизматлар кўрсатиш учун замонавий шароитлар яратилган. Хусусан, инновацион банк технологиялари, банкоматлар, инфокиосклар билан жиҳозланган. Электрон навбат тизими йўлга қўйилган. Шунингдек, 24/7 режимида ишлайдиган ўз-ўзига хизмат кўрсатувчи шохобча кеча-ю кундуз узлуксиз фаолият кўрсатмоқда.
АТБ «Қишлоқ қурилиш банк» келгусида ҳам ўз инфратузилмалари фаолиятини такомиллаштириш орқали мижозлар ишончини қозонишга, тадбиркорлар фаолиятини рағбатлантиришга ва аҳоли даромадларини оширишга интилади.
«Қишлоқ қурилиш банк» – фаровон ҳаётингиз хизматида!
Мурожаат учун телефонлар: (+99878) 150-93-39, 150-39-93
Веб-сайт: www.qqb.uz
Telegram: t.mе/QQBank
Facebook: fb.com/official.qqb.uz
Банк ахборот хизмати
Реклама ҳуқуқи асосида
Изоҳ (0)