Туркия Марказий банки бошлиғи Мурат Уйсал мамлакат миллий пул бирлиги – лира курсининг кескин пасайиб кетиши ортидан президент фармони билан лавозимидан озод қилинди. Унинг ўрнига собиқ молия вазири Нажи Айбал мамлакат Марказий банки раиси этиб тайинланди.
Фармон 7 ноябрь куни эълон қилинди. Уйсал Марказий банкни 16 ой давомида бошқариб келаётган эди.
Сўнгги бир неча ой ичида лира АҚШ долларига нисбатан тарихий антирекордларни бир неча бор янгилаб турди. Бир йил ичида у 30 фоизга қадрсизланди.
Аввалроқ турк лираси шиддат билан қадрсизланаётгани, бунга эса Эрдўғон ва Марказий банк хатти-ҳаракатлари сабаб бўлаётгани ҳақида хабар берилганди.
Изоҳ (0)