Warner Bros кинокомпанияси имконияти чекланганларнинг Роальд Далнинг болаларга мўлжалланган асари асосида суратга олинган «Жодугарлар» фильмида Энн Хэтэуэй гавдалантирган қаҳрамон устидан шикоят қилганидан кейин узр сўрашига тўғри келди. Бу ҳақда «РБК» хабар беради.
«Жодугарлар» фильми сюжетига кўра, Энн Хэтэуэй, ёвузлигини жоду ортига яширади, аммо болаларни қўрқитишга имкон пайдо бўлиши билан, камчиликлари, хусусан, қўлида бармоқлари йўқ эканини кўрсатади. Уни томоша қилиш давомида имконияти чекланганлар жодугарда эктродактилия — бармоқларнинг тўлиқ эмаслигига эътибор қаратган.
Томошабинларнинг фикрича, фильмда ёвуз қаҳрамонларининг имконияти чекланган ҳолда тасвирланиши, бундай камчилиги бор кишилардан қўрқиш керак деган стереотипларни авж олишига сабаб бўлади.
Паралимпиячи Эми Маррен Роберт Земекиснинг ушбу фильмидан ҳафсаласи пир бўлганини билдириб, кинокомпанияга продюсерлар қўллардаги фарқни яққол акс эттириши, имконияти чекланган кишилар учун қандай оқибатларга олиб келиши мумкинлиги ҳақида ўйлаб кўрганми, деб савол берган. Шунингдек, у Twitter саҳифасига қўл шаклининг фарқ қилиши қўрқинчли эмаслиги, тафовутлар қабул қилиниши кераклигини ёзиб қолдирган. Қолаверса, Роальд Далга мансуб асардан бўрттирилган ҳолда суратга олинган мазкур фильмда ёвуз қаҳрамоннинг бундай кўриниши болаларга салбий таъсир қилишидан хавотирда эканлигини билдирган.
Limb difference is not scary. Differences should be celebrated and disability has to be normalised. #NotAWitch calls out ‘#TheWitches’ movie for portrayal of disability 👉 https://t.co/aSY1U6TymE pic.twitter.com/UCU87bUeV8
— Paralympic Games (@Paralympics) November 3, 2020
Имконияти чекланганлар қизиқишларини ҳимоя қилувчи RespectAbility ташкилоти ҳам фильмга муносабат билдирган. Унда Голливуд фильмларида ёвуз қаҳрамонлар қиёфасининг ўзгартиришга уринишлар, кишиларнинг беихтиёр ўзига ўхшамайдиган ҳар кимдан қўрқишига олиб келиши мумкинлигини таъкидланган.
RespectAbility ташкилотининг коммуникация бўйича вице-президенти Лорен Аппелбаум фильм ҳаётий оқибатларга олиб келиши хусусан болаларни бармоқларнинг тўлиқ эмаслиги даҳшат экани ва бундан қўрқиш кераклигига ўргатиши мумкин. деган.
Шундан кейин Warner Bros вакили «Жодугарлар» фильмидаги тўқима қаҳрамонларнинг бу каби тасвирланиши имконияти чекланган кишиларни кўнглини оғритиши мумкинлигидан, чуқур қайғуда эканлигини билдириб, қаҳрамонлар кўринишини янгича талқинда тасвирлаш учун рассом ва дизайнерлар билан ишланганлиги ва одамларни камситиш нияти йўқ эканлигини билдирган.
«Ушбу фильм яхшилик ва дўстликнинг кучи ҳақида. Меҳр ва муҳаббат билан тўлдирилган, илҳомлантирувчи ушбу мавзу ва фильм болалар ва барча оила аъзоларига ёқади, деб умид қиламиз», — деб ёзилади баёнотда.
Маълумот учун, Роберт Земикс томонидан суратга олинган «Жодугарлар» фильми британиялик Роальд Дал қаламига мансуб машҳур болалар китобининг иккинчи экранизацияси ҳисобланади. Унда бувиси билан бирга жодугарлар конгрессига тушиб қолган бола, ёвуз қаҳрамонларнинг бутун дунё болаларини сичқонга айлантириб қўймоқчи эканини билиб, унга халал беришга уринади. Картинада Энн Хэтэуэй ва Жазир Бруно бош қаҳрамон ролини ижро қилган. Шунингдек, фильмда Крис Рок, Стенли Туччи ва Октавия Спенсер суратга тушган.
Изоҳ (0)