Серқирралик маҳоратли актёрларнинг асосий хусусиятларидан биридир. Актёрлик фаолиятининг энг муҳим вазифаси сифатида ижодкорлар доимий равишда ролларини ўзгартиришга ҳаракат қилади. Бироқ бу жараён карьера давомида эмас, балки битта картина доирасида амалга оширилади.
Рольф Лесли
«Қироличанинг олтмиш йили» – 1913 йил
Актёрнинг бир фильмда бир неча ролларни ижро этишга илк уриниши Англиянинг «Қироличанинг олтмиш йили» фильмида бўлди. Ярим ҳужжатли фильмда қиролича Викториянинг турли даврларига бағишланган.
Фильмнинг диққатга сазовор томони шундаки, театр актёри Рольф Лесли картинада 27 та ролни ижро этган. Бир неча ролларни бир актёрга топшириш режиссёрнинг янги топилмаси эди. Шунингдек, Леслига топширилган образлар иккинчи даражали бўлиб, фильмда унинг намоён бўлиши дақиқа ёки сониялар билан чекланган. Бу каби аҳамиятсиз роллар учун бир неча актёрларга пул тўлаш ўша йиллардаги кино учун жуда катта исрофгарчилик эди, шунинг учун ҳам маблағни тежаш мақсадида барча ролларни Рольф Лесли ижро этган.
Алек Гиннесс
«Меҳрибон қалб ва тожлар» − 1949 йил
Технология ҳали ривожланиб улгурмаганлиги туфайли ХХ асрнинг биринчи ярмидаги ижодкорлар бир актёр орқали бир неча образни гавдалантиришга аҳамият бермаган. Бироқ 1949 йилда инглиз режиссёрлари яна бир бор «Меҳрибон қалб ва тожлар» комедиясини яратишда актёрнинг кўпқирралилигига мурожаат қилишга қарор қилди.
Шу сабабли Алек Гиннесс бирданига 8 та ролни ижро этган актёрга айланди, кейинчалик у машҳурликка ҳам эришди. Ушбу инглизча картинада зодагонлар оиласининг меросига эга чиқишни истаган эркак ҳақида ҳикоя қилинади. Бунинг учун эркак Гиннесс ижросидаги 8 та қаҳрамондан халос бўлиши керак эди. Аммо фильмни суратга олиш ишлари узоқ вақтга чўзилди. Актёр кийиниш хонасида соатлаб вақт ўтказиши, аёл образини синаб кўриши, шунингдек, 8 хил характер ва овозлар устида ишлаши керак бўлган. Британия институти маълумотларига кўра, картина Британия кинематографияси тарихидаги энг буюк 6 та фильм қаторига киради.
Эдди Мерфи
«Мияси айниган профессор» – 1996 йил
Комик актёр Эдди Мерфи кўпинча фильмларда бир нечта ролларни ижро этган. Унинг карьерасида 8 та шундай ижро мавжуд. Уларнинг орасида «Мияси айнига профессор», «Америкага саёҳат» ва «Танишинг: Дейв» фильмлари машҳурлик келтирган.
Айнан «Мияси айниган профессор»да Мерфининг комик истеъдоди энг ёрқин тарзда очиб берилган. Фильмда у хилма-хил етти образни ижро этади. Бош қаҳрамон – профессор Шерман Кламп меҳрибон инсон, ажойиб олим, шунингдек, у ирсий семиришдан азият чекади. Бу унинг кундалик ҳаётига халақит бериб, кулгили вазиятларга солади. Ҳар бир роли учун актёр костюмлар ва пардоз остида рол ижро этиши керак эди. Шунинг учун ҳам камдан кам ҳолатда комедиялар «Оскар» мукофотига сазовор бўлади. «Мияси айниган профессор» фильми эса «Энг яхши грим» номинацияси бўйича ғолибликни қўлга киритган.
Жейк Жилленхол
«Душман» – 2013 йил
Кино соҳасида бир актёр икки образда намоён бўла бошлаганига бир асрдан ошди. Актёр Жейн томошабинлар олдида иккита мутлақо бошқа, фақат ташқи қиёфаси ўхшаш образларда гавдаланган. Бундай имконият ҳар қандай актёрларга ҳар доим янгидан очилишга ёрдам беради. Шунингдек, сўнгги йилларда кўплаб таниқли актёр ва актрисалар бундай ролларни ижро этишга ҳаракат қилмоқда.
Кейт Бланшетт
«Манифесто» – 2016 йил
Замонавий фильмларнинг режиссёрлари нафақат эркаклар, балки аёллар учун ҳам турфаликни ўзида мужассам этиш учун имконият яратишга ҳаракат қилмоқда. Бунга 13 та турли хил персонажни ижро этган Кейт Бланшеттни мисол қилиш мумкин. Фильмда Бланшетт ажойиб тарзда брокер, фабрика ишчиси, олим, бошловчи ва ҳатто уйсиз одамга айланишга муваффақ бўлди.
Изоҳ (0)