«Парчаланган юраклар» сериали актёрининг онаси вафот этди, таниқли актёр полициячилардан қочиб кетди. Турк киноси янгиликлари

Турк киносаноатидаги энг сўнгги янгилик ва хабарларни эътиборингизга ҳавола этишда давом этамиз.

Экранга узатилганига кўп бўлмай машҳурликка эришган ва мухлислар қалбидан жой олиб улгурган «Эшигимни қоқ» сериалида рол ижро қилаётган актриса Мелиса Дўнгел афтидан юлдузлик касалига чалинган кўринади. Актриса Истанбулдаги кафелардан бирида жанжал чиқарган.

У дўстлари билан ташриф буюрган кафе ходимлари ташриф буюрувчилар сони чеклангани сабаб кирита олмаслигини билдирган.

Шундан кейин Мелиса жанжал кўтарган ва кафени ёптириб юборишини айтиб, дўқ-пўписа қилган. Кафе ходимлари видеоёзувларни полицияга берган, аммо яшаш жойи рўйхатга олинган манзилдан актрисани топишнинг имкони бўлмаган.

Турк матбуоти актриса Неслиҳан Атагул гўзаллик борасида онасига ўхшаганини, онасида рус қони борлигини ёзишда давом этмоқда.

Туркан Шорайнинг қизи Ягмур Унал Нишанташи туманида мухбирлар эътиборини тортди. Суҳбатлашиш давомида Унал Тюркан ролини ижро қилишни истаётган Демет Ўздемир ҳақидаги саволга жавоб берган.

У Деметни актриса сифатида яхши кўришини, лекин роль борасида онаси жавоб бергани яхшилигини билдирган.

Эркан Петеккаянинг онаси Шерифе Петеккая оламдан ўтди. У Альцгеймер касаллигидан азият чеккан.

«Истанбуллик келин» роли билан ўзбек мухлисларига яхши таниш бўлган Асли Энвернинг сурати Мarie Claire Тürkiye журнали муқовасида чиқди.

Жан Яман Хеллоуин муносабати билан уюштирилган кечада вақтини чоғ ўтказди. У мухлислари билан эсдаликка суратга тушишдан бош тортмаган. Аммо полиция етиб келганидан кейин актёр кечани тарк этишига тўғри келган. Маълумот учун, эпидемия сабаб Туркияда оммавий тадбирлар тақиқланган.

Испаниянинг Divinity канали «Эшигимни қоқ» сериалини эфирга узатиш ҳуқуқини қўлга киритди.

Паст рейтинг қайд қилгани сабаб Shоw ТV каналида эфирга узатилаётган «Шараф сўзи» сериали 4-қисмда тугатилади.