УЕФА Европа Лигаси 3-турининг энг яхши футболчисини аниқлаш учун ўтказилган сўровнома натижаларини эълон қилди.
Унга кўра, «Лилль» ярим ҳимоячиси Юсуф Язижи ҳафтанинг энг яхши ўйинчиси номига лойиқ кўрилган. Туркиялик футболчи «Милан»га қарши ўйинда (3:0) ҳет-трик қайд этганди.
Бу 23 ёшли футболчи учун Европа Лигасидаги иккинчи ҳет-трик бўлди. Аввалроқ Язижи «Спарта»га қарши ўйинда (4:1) ҳам учта гол муаллифига айланганди.
Ушбу номга шунингдек, қуйидаги футболчилар даъвогарлик қилганди:
- Андрия Живкович (ПАОК) — ПСВга қарши ўйинда (4:1) иккита гол;
- Лукаш Юлиш («Спарта») — «Селтик»га қарши баҳсда (4:1) учта гол;
- Леон Бэйли («Байер») — «Хапоэл»га қарши беллашувда (4:2) иккита гол.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)