Киевнинг «Динамо» клуби бош мураббийи Мирча Луческу Европа Чемпионлар Лигаси доирасида «Барселона»га қарши кечадиган баҳс ҳақидаги фикрлари билан ўртоқлашди.
Коронавирусга топширилган тест жавобини беш соат кутдик, бу вақт жуда қийин ўтди. Шукрки, ҳамма саломат. Биз «Барселона» билан ўйнаймиз ва бу энг муҳими.«Барселона» — «Динамо К» учрашуви Тошкент вақти билан 4 ноябрдан 5 ноябрга ўтар кечаси 01:00 да бошланади.Тест жавоблари коронавирусга салбий натижа беришига умид қилгандик, бироқ муаммо шундаки, энди «Барселона»га қарши ўйинда майдонга тушишимиз керак. Мураббий сифатида ўйинни бошқа кунга кўчирилишини хоҳлаган бўлардим. Натижалар вирус борлигини кўрсатганда яхшироқ бўларди, ўйин қолдириларди (кулади).
«Бавария»га қарши ўйиндан кейин «Барселона» ўзгаришлар сари юриши маълум бўлганди. Жамоада иқтидорли футболчилар кўп, бироқ улар ўйин тузилишини ўрганиши учун вақт керак бўлади.
«Барселона» айни дамда Чемпионлар Лигасини ютишга қодир деб ўйламайман. «Бавария», «Манчестер Сити» ва ПСЖ катта ресурсга эга. Бошқа томондан уларда Лионель Месси бор.
Янги мураббий учун камида олти ой керак ва баҳорга келиб бу буткул бошқа жамоага айланади.
Месси жамоа ҳақида ўйлайди, ўзини эмас. У майдоннинг ҳар бир бўлагида ишлайди, бошқалар қилиши керак бўлган ишларни ҳам қилади. У курашади, голли узатмалар амалга оширади, гол уради. У ҳаммасини жамоа учун қилади ва ёш ўйинчиларга ёрдам бергиси келади.
«Барселона» Ла Лигага қараганда Чемпионлар Лигасида яхшироқ ҳаракат қилади. Чунки уни уйда ҳамма яхши билади.
Мирча Луческу, «Динамо Киев» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)