Самарқанд вилояти Нуробод туманида Афросиёб поезди ҳаракатланаётган вақтда темир йўл изига тош қўйган шахс мактаб ўқувчиси эканлиги аниқланди, дея хабар бермоқда ИИВ.
Маълум қилинишича, 29 октябрь куни Самарқанд вилояти ИИБ Транспортда хавфсизликни таъминлаш бошқармасига Қарши–Самарқанд–Тошкент йўналишидаги Афросиёб юқори тезюрар йўловчи поезди Улус–Гумбаз темир йўл бекатлари оралиғида ҳаракатланаётган вақтида темир йўл изига тош қўйилганлиги аниқланган.
Суриштирув ишлари натижасида темир йўл изига тош бўлакларини қўйган фуқаро 6-синф ўқувчиси, Нуробод тумани «Олтинсой» МФЙда яшовчи, вояга етмаган С.Ж. эканлиги аниқланди.
Ҳолат юзасидан суриштирув ишлари давом этмоқда.
Изоҳ (0)