Ўзбекистон банкларида доллар 10 410 сўмгача қимматлашди

Ўзбекистондаги қатор банкларда 3 ноябрь тонгидан доллар курси кўтарилди, деб хабар беради Spot.

Банклар бир АҚШ долларини асосан 10 350 сўмдан харид қилмоқда, сотиш эса 10 410 сўмдан. Сўнгги бор банкларда доллар октябрь ойи бошларида қимматлашган эди — ўшанда 1 АҚШ доллари 10 330 сўмдан сотиб олинаётган ва 10 390 сўмдан сотилаётганди.

2 ноябрь куни Ўзбекистон Марказий банки хорижий валюталар курсини янгилади — долларнинг расмий курси 6,98 сўмга кўтарилиб, 10 366,86 сўмни ташкил қилган. Евро ва рубль эса арзонлашган.

5 октябрь ҳолатига кўра, валюта биржасида доллар 10 374 сўмни ташкил этмоқда.

Аввалроқ Ўзбекистон Марказий банки сўмнинг кескин қадрсизланиши эҳтимоллигини паст деб баҳолаган эди.