Сурхондарёда қалбаки 10 минг долларни ноқонуний равишда муомалага киритган фуқаро ушланди. Бу ҳақда «Дарё»га Бош прокуратура матбуот хизмати хабар берди.
Бош прокуратура ҳузуридаги Департамент ва ДХХнинг Сурхондарё вилоят бошқармалари томонидан валюта қимматликларининг ноқонуний муомалага киритилишининг олдини олиш юзасидан ўтказилган тезкор тадбирда фуқаро А.Г. ҳар бир АҚШ долларини 10 400 сўмдан ҳисоблаб, жами 10 минг долларни 104 миллион сўмга сотган вақтида ашёвий далил билан ушланган.
Ҳолат юзасидан фуқаро А.Г.га нисбатан Жиноят кодексининг 177-моддаси 3-қисми (кўп миқдорда валюта қимматликларини қонунга хилоф равишда олиш ёки ўтказиш) жиноят иши қўзғатилиб, тергов ҳаракатлари ўтказилмоқда.
Мавзуга доир:
- Сирдарёда қалбаки 2 500 долларни муомалага киритмоқчи бўлган шахслар ушланди
- Фарғонада қалбаки 100 долларни ўтказмоқчи бўлганларга жиноят иши қўзғатилди
- Андижонда 100 минг сўмлик купюрани қалбакилаштирган шахслар ушланди
- Андижонда ЙПХ инспектори тўхтатган Nexia’даги йўловчи ўзининг 10 та 100 долларлик купюрасини йиртиб, сочиб юборди. Пуллар қалбаки бўлган
Изоҳ (0)