Ташқи кўриниши ва ижро маҳорати билан дунёнинг турли бурчакларида мухлисларига эга бўлган актёрлар, киносаноатга қадам қўйгунича қайси касб билан шуғуллангани ҳақида маълумот берамиз.
Мурат Йилдирим
Муратнинг касбий мутахассислиги машинасозлик бўйича конструктор ва муҳандис. У институтда таълим олган вақтида театрда рол ижро қилган ва шундан кейин унга таклиф келиб тушган. «Ўлмас севги» сериалидаги кичик ижросидан кейин унинг актёрлик карьераси бошланган.
Бурак Ўзчивит
Сериаллардаги роли билан танилгунига қадар Бурак суратчи бўлган. Мармара университетида тасвирий санъат ва фотосурат йўналишида таълим олган. Шунингдек, Туркиянинг машҳур моделларидан бири бўлган. «Туркиянинг энг яхши модели» ва «Дунёнинг энг яхши модели» деган номларга ҳам сазовор бўлган. Унинг моделлик борасида эришган муваффақиятлари сабаб суратга тушиш таклифи келиб туша бошлаган.
Фаҳрие Эвжан
Актриса Германияда социология факультетида ўқиган. У ёзги таътилни ўтказиш учун Истанбулга келганида «Ҳеч қачон унутма» сериалида суратга тушиш таклиф қилинган. Мазкур роли унинг актрисалик карьерасининг бошланиши бўлган.
Арас Булут Ийнемли
Арас самолёцозлик бўйича муҳандис-конструктор йўналишини тамомлаган. Аввалига у соҳаси бўйича кетишни истаган лекин кейинчалик мусиқага бўлган қизиқиши ва актёр сифатида сериалларда суратга тушишни бошлаган яқин қариндошлари сабаб фаолиятини киносаноатда давом эттиришга қарор қилган.
Киванч Татлитуғ
Ташқи кўриниши ва келишганлиги сабаб мухлислари томонидан «Туркиянинг Бред Питти» деб аталадиган Киванч мактаб давридаёқ баскетболга қизиққан, кейинчалик «Фенербахче» ва «Бешиктош» баскетбол клубларида ўйнаган. Аммо тиззасидан жиддий жароҳат олгани сабаб спортни ташлашига тўғри келган ва фаолиятини модель, кейин эса актёр сифатида давом эттирган.
Бариш Ардуч
Бариш Ардуч ҳам спорт факультетида ўқиган. Актёрликка қадар у қутқарувчи бўлиб ишлаган. Актёрнинг айтишича, у мингга яқин инсон ҳаётини сақлаб қолган.
Демет Оздемир
Болалигидан рақсга қизиққан ва келажакда хореография билан шуғулланишни истаган. Кейинчалик рақс тушадиган саҳналари бор рекламаларда суратга тушган. Шундан кейин режиссёрлар унга сериалда суратга тушишни таклиф қила бошлаган.
Энгин Акюрек
Энгин институтда тарихчи-тилшунос факультетида ўқиган. Талабалик йилларида у актёр бўлишни исташини тушуниб етган ва фаолиятини кинода давом эттирган.
Жан Яман
Кинога қадар адвокат сифатида ишлаган Жана актёрлик курсларига шунчаки кўнгил очиш учунгина ташриф буюрган. Кейинчалик эса машғулотлар ўз таъсирини кўрсатган ва у актёрлик билан шуғулланишга аҳд қилган.
Изоҳ (0)