Расмий Исломобод Ҳиндистон билан ўзаро икки томонлама шартларни келишиб олиш юзасидан музокаралар олиб боришга тайёр. Бу ҳақда Покистон бош вазири Имрон Хон Al Jazeera телеканалига берган интервьюсида айтиб ўтган.
Хон 1947 йилда Ҳиндистон хавфсизлик кучларининг Кашмирни тарк этганига 73 йил тўлиши муносабати билан баёнот қилган.
«Мен музокараларга тайёрман, бироқ бунинг учун сиз (Ҳиндистон), аввало, Кашмирдаги ҳарбий фитналарга барҳам бериб, иккинчидан, кашмирликларга БМТ талаблари асосида ўзлари учун якуний қарор чиқариш имконини беришингиз зарур», — деган Имрон Хон.
Ҳиндистон ва Покистон бир неча йиллардан буён Кашмирнинг яхлит ҳудуди учун даъвогарлик қилиб келади, бироқ икки давлат ҳудуднинг муайян қисмларида назорат ўрнатган, 2003 йилдан буён ушбу ҳудудларда ўт очмаслик режими қисман амал қилади.
Ҳиндистон 2019 йил август ойида Кашмир штатига берилган конституцион автономлик ҳуқуқини бекор қилган.Ушбу қарор оқибатида ўн минглаб ҳиндистонлик ҳарбийлар кўп йиллардан бери миллатчилик ва диний низолар оқибатида тўқнашувлар содир бўлиб турувчи штат ҳудудига киритилган.
Эслатиб ўтамиз, Покистон ҳарбийлари 10 августда Кашмир назорат нуқтасидаги Пунч секторини ўқотар қурол ва миномётлардан ўққа тутганди.
Изоҳ (0)