Дунёнинг энг бой кишиларининг ўн нафари 28 октябрь куни бўлиб ўтган савдолар якунлари бўйича жаҳон фонд бозорлари қулаши фонида 33,3 миллиард доллар йўқотди. «РБК»нинг ёзишича, бу ҳақда Forbes Real Time рейтинги маълумотларида келтирилган.
Бунинг оқибатида Facebook асосчиси Марк Цукерберг бойлиги 100 миллиард доллардан ошадиган кишилар рўйхатидан чиқди, Berkshire Hathaway раҳбари Уоррен Баффет эса миллиардерлар рейтингида ўз ўрнини ҳиндистонлик тадбиркор Мукешу Амбанига бўшатиб, еттинчи ўринга тушди.
Amazon асосчиси Жефф Безоснинг бойлиги ҳаммадан кўпроқ— 6,7 миллиард долларга камайди. Шунга қарамай, у Bloomberg версиясига кўра, 186,3 миллиард доллар бойликка эгалик қилиб, дунёнинг энг бой одамилигича қолмоқда.
Энг бой одамлар рейтингида иккинчи ўринда бўлган Louis Vuitton раҳбари Бернар Арно ва унинг оиласи бир кунда 4,7 миллиард (умумий бойлиги — 115,1 миллиард доллар) доллар йўқотди. 26 октябрь куни у бир ҳафтада 8 миллиард долларга бойигани хабар берилганди.
Microsoft асосчиси Билл Гейтс бойлиги 2 миллиард долларга камайди. Цукерберг 5,7 миллиард, Tesla асосчиси Илон Маск ва Google асосчиларидан бири Ларри Пейж 3,5 миллиард доллар йўқотди.
Bloomberg маълумотлари Forbes’никидан фарқ қилади. Агентлик баҳоларига кўра, дунёнинг 10 нафар бойлари бойлиги 37,3 миллиард долларга камайди. Миллионерларнинг Bloomberg Billionaire Index рейтинги Топ-10 талигининг дастлабки кучли учталигидан Безос (187 миллиард доллар), Гейтс (120 миллиард доллар) ва Маск (102 миллиард доллар) ўрин олган.
Америка фонд биржаларида 28 октябрь куни бўлиб ўтган савдо сессияси индексларнинг кескин пасайиши билан қайд этилди. Dow Jones Industrial Аverage 3,4 фоизга, АҚШнинг S&P 500 индекси 3,5 фоизга, технологик NASDAQ Composite эса 3,7 фоизга пасайган.
Сўнгги бир неча кун давомида АҚШ бозоридаги савдолар давом этмоқда ва бу ҳафта динамика бўйича март ойидаги кўрсаткичдан энг ёмони бўлиши мумкин.
Изоҳ (0)