Ўзбекистоннинг Латвиядаги элчиси Қадамбой Султонов 29 октябрь куни Эстония президенти Керсти Калюлайдга ишонч ёрлиқларини топширди, деб хабар беради «Дунё» агентлиги. У Ўзбекистоннинг Эстониядаги биринчи элчисига айланди (қароргоҳи Рига шаҳрида).
Мамлакат раҳбарининг «Кардиорг» саройида ўтказилган маросимда президент Керсти Калюлайд Эстонияда илк бор ўз элчисини тайинлаш орқали ўзбек—эстон ҳамкорлигини янги даражага кўтарган Ўзбекистон раҳбариятига миннатдорчилик билдирди.
«Дипломатик қамровнинг кенгайиши, авваламбор, Ўзбекистон ва дунё мамлакатлари ўртасидаги ҳар томонлама ҳамкорликни ривожлантиришга иқтисодий қизиқиш тобора ортиб бораётганлигининг далилидир», — дейди Эстония президенти.
Қадамбой Султонов 2019 йилнинг кузидан бери Ўзбекистоннинг Латвиядаги элчиси ҳисобланади. 2020 йилнинг 27 август куни у расман Ўзбекистоннинг Финляндиядаги элчиси сифатида аккредитациядан ўтганди.
Изоҳ (0)