Филиппинда хўроз уриштириш ўйинларига қарши ўтказилган рейд фожиали якун топди: хўрозлардан бири Кристиан Болок исмли полициячининг сон артериясини кесиб юбориб, унинг ўлимига сабабчи бўлди. Унинг панжасига қотирилган лезвия қотиллик қуролига айланган, деб ёзади Esquire.
Зудлик билан шифохонага олиб борилган офицер у ерда вафот этган.
«Юракда чуқур оғриқ билан хизмат вазифасини ўташ чоғида укамиздан айрилганимизни маълум қиламан. Филиппин миллий полицияси лейтенант Болокнинг бевақт ўлимидан қайғуда ва унинг қариндошлари ҳамда яқинларига ҳамдардлик билдиради», — дейди Шимолий Самар провинцияси полиция директори Арнел Апуд.
«Бу ҳақда биринчи бор айтишганида ишона олмадим. Полициядаги 25 йиллик фаолиятим давомида биринчи бор жангчи хўрознинг лезвияси оқибатида полиция бир инсондан айрилди», — дея қўшимча қилади у.
Аҳолининг шикоятларидан келиб чиқиб, полиция 26 октябрь куни ноқонуний хўроз жангини уюштирган уч эркакни ҳибсга олган. Қолганлар эса турли йўналиш бўйлаб қочиб кетган.
Полициячилар ҳибсга олинган уч нафар эркакдан ташқари, яна уч қоидабузарнинг шахсни аниқлаган бўлиб, ҳозирда улар озодликда қолмоқда. Шунингдек, еттита жангари хўроз, иккита лезвия жамланмаси ва пуллар мусодара қилинган.
Изоҳ (0)