Суд ишларида давлат томонидан белгиланган адвокатларга юридик ёрдами учун сўнгги уч йилда давлат ҳисобидан 42,5 миллиард, бир йилда ўртача 14 миллиард сўмдан ортиқ маблағ тўлаб берилган. Бу ҳақда Адлия вазирлиги бошқарма бошлиғи ўринбосари Элдор Маҳкамов 27 октябрь куни АОКАда бўлиб ўтган брифингда маълум қилди.
«Давлат ҳисобидан юридик ёрдам кўрсатишда адвокатнинг иштироки, суриштирувчи, терговчи, прокурор ёки суд томонидан Адвокатлар палатасининг ҳудудий бошқармаси томонидан белгиланган адвокатлик тузилмасига мурожаат юбориш йўли билан таъминланади. Охирги уч йилда жами 222 652 та, бир йилда ўртача 74 217 та жиноят ишлари бўйича адвокатлар тайинлов асосида давлат ҳисобидан иштирок этишган», – деди Элдор Маҳкамов.
Адвокатларга қуйидаги ҳолатларда тўлов давлат ҳисобидан қоплаб берилади:
- оиласида ҳар бир оила аъзосига тўғри келадиган ялпи ойлик даромад меҳнатга ҳақ тўлашнинг энг кам миқдорининг 52,70 фоизидан (бугунги кунда 358 минг сўм) ортиқ бўлмаган шахслар учун;
- гумон қилинувчи, айбланувчи ва судланувчи ҳимоячидан воз кечиши билан боғлиқ процессуал ҳаракатда адвокат иштирок этиши ҳолларида, шунингдек, Жиноят-процессуал кодексига мувофиқ жиноят ишида ҳимоячининг қатнашиши мажбурий деб ҳисобланган ҳолларда.
- суриштирув жараёнида, дастлабки тергов босқичида, биринчи инстанция судларида ва апелляция, кассация ёки назорат тартибида кўрилаётган ишларда тўлов ҳар бир кун учун — 111 500 сўм;
- суд мажлисининг ҳар бир танаффус куни учун — 55 750 сўм;
- дам олиш ва байрам (ишланмайдиган) кунлари — 223 000 сўм;
- тунги вақтда — 167 250 сўм қилиб белгиланган.
Мавзуга доир:
Изоҳ (0)