Қашқадарё вилояти ИИБ ЙҲХБ ЙПХ инспектори сержант Ж.Қосимов Қарши шаҳар Б.Шерқулов кўчасида хизмат олиб бораётган вақтида Nexia-3 автомобили ҳайдовчисини спиртли ичимлик истеъмол қилган ёки қилмаганлигини аниқлаш мақсадида тўхтатгани ва жараённи суратга олган ҳайдовчининг телефони олиб қўйилгани ҳамда инспекторга нисбатан хизмат текшируви тайинлангани ҳақида хабар берилганди.
Ички ишлар вазирлиги Йўл ҳаракати хавфсизлиги бош бошқармаси томонидан маълум қилинишича, мазкур хизмат текшируви хулосасига кўра, Вазирлар Маҳкамасининг 2018 йил 1 декабрдаги 975-сон қарори билан тасдиқланган «Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисида»ги низом ҳамда ИИВнинг меъёрий буйруқ талаблари бузилганлиги аниқланган.
Шу сабабли Қашқадарё вилояти ИИБ ЙҲХБ ЙПХБ махсус отряди 3-сафарбар гуруҳи ЙПХ инспектори сержант Ж.Қосимов ўз билдиргисига кўра эгаллаб турган лавозимидан озод этилиб, келгусида йўл ҳаракати хавфсизлиги билан боғлиқ бўлмаган лавозимга тайинланган.
Мавзуга доир:
- Оҳангаронда тўхтатилган ҳайдовчига «масхарабозлик қилган» ЙПХ ходими лавозимидан озод қилинди
- Чилонзорда 13 ёшли болага куч ишлатган ИИБ ходимлари жазоланди
- Наманганда ИИБ ходимлари ниқобсиз эркакни машинадан куч билан чиқариб олишга уринди (видео)
- Самарқандда ҳуқуқ-тартибот ходимлари 16 ёшли ўсмирни бўйнидан тортиб патруль машинасига ўтқазиб, олиб кетди (видео)
Изоҳ (0)