Зинедин Зидан «Реал»ни тарк этиб, Францияда иш бошлаши мумкин

«Реал» бош мураббийи Зинедин Зидан фаолиятини Францияда давом эттириши мумкин.

El Chiringuito хабарига кўра, ПСЖ клуби мутахассис хизматига қизиқиш билдирган. Бундан ташқари, клуб сўнгги ҳафталарда Зидан билан боғланишга ҳам эришган.

Маълумот учун, Зиданнинг мураббийлик фаолияти фақат «Реал» билан боғлиқ. У 2013 йилда «қаймоқранглилар» бош мураббийи Карло Анчелоттига ёрдамчи бўлган, шундан сўнг бир муддат «қироллик клуби»нинг иккинчи жамоасини бошқаради. 2016 йилда эса франциялик мутахассис асосий жамоани бошқара бошлайди. Икки йилдан сўнг Зидан ишдан кетади, бироқ орадан бир ўтиб, яна жамоага қайтади.

«Реал» Зидан бошчилигида уч бора Чемпионлар Лигасида ғолиб чиққан, шунингдек, икки марта Испания чемпиони ҳам бўлган. Умумий ҳисобда «қаймоқранглилар» Зидан қўл остида 11 та совринга эга чиққан.

Аввалроқ «Реал»нинг «Кадис» ва «Шахтёр»дан қабул қилган мағлубиятлари сабаб Зинедин Зиданнинг ишдан бўшатилиши мумкинлиги ҳақида хабарлар пайдо бўлганди.