Сирдарёда Nexia ва Chevrolet Niva иштирокида содир бўлган йўл-танспорт ҳодисаси оқибатида иккала машина ҳам ёниб кетди. Бу ҳақда ИИВ ЙҲХББ ахборот хизмати хабар берди.
Маълумотларга кўра, 26 октябрь соат 18:45 ларда Сирдарё вилояти Оқолтин тумани ҳудудидан ўтган 4Р33 автомобиль йўлининг 9 километрида Гулистон—Учтом йўналиши бўйича ҳаракатланиб келаётган Nexia ҳайдовчиси катта тезликда бўлгани учун бошқарувни йўқотиб қўйган. Натижада автомобиль йўлнинг қарама-қарши ҳаракатланиш бўлагига ўтиб кетган ва ушбу йўналишда келаётган Chevrolet Niva русумли транспорт воситаси билан тўқнашиб, йўл-транспорт ҳодисаси содир этган.
Такидланишича, тўқнашув натижасида ёнғин келиб чиқиб, транспорт воситалари буткул ёниб кетган.
Ҳайдовчиларга ёнғиндан зарар етмаган, ЙТҲ натижасида ҳайдовчилар енгил тан жароҳати олиб, Оқолтин туман тиббиёт бирлашмасига мурожаат қилган.
Аввалроқ Сирдарёда Nexia ва MAN иштирокида юз берган ЙТҲ натижасида енгил автомобиль, шунингдек, Тошкент шаҳрида Nexia Lacetti билан тўқнашуви оқибатида ёниб кетгани тўғрисида хабар берилганди.
Изоҳ (0)