Bugun,

  • USD 11095.31
  • RUB 173.84
  • EUR 10772.44

Toshkent shahridagi THAY ko‘chasi (“betonka”)da Lacetti hamda Nexia ishtirokida yo‘l-transport hodisasi sodir bo‘ldi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar qilgan.

Foto: YHXBB axborot xizmati

Foto: YHXBB axborot xizmati

Xabarga ko‘ra, 4-oktabr kuni soat 17:00 larda Toshkent shahar, Yunusobod tumani, THAY ko‘chasida joylashgan “Turkiston” to‘yxonasi yaqinida YTH sodir bo‘lgan.

Dastlabki ma’lumotlar bo‘yicha, 1994-yilda tug‘ilgan A.A. boshqaruvidagi Lacetti 2000-yilda tug‘ilgan S.G‘. boshqaruvidagi Nexia bilan to‘qnashgan. Oqibatda Nexia’da yong‘in yuzaga kelgan.

Foto: YHXBB axborot xizmati

Foto: YHXBB axborot xizmati

Foto: YHXBB axborot xizmati

Foto: YHXBB axborot xizmati

“Yong‘in chiqqan avtomobil ichidagi yo‘lovchilardan biri tan jarohati olib, shifoxonaga murojaat qilgan. Yuzaga kelgan yong‘in o‘t o‘chiruvchilar tomonidan bartaraf etilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilib, to‘qnashuv sabablariga aniqlik kiritilmoqda”, – deyiladi boshqarma axborotida.

Avval Yunusobodda Lacetti katta tezlikda daraxtga urilishi oqibatida yonib ketgani, haydovchi jarohat olib shifoxonaga tushgani, Chilonzorda Mazda yonib ketgani, shuningdek, Yunusobodda Spark va Matiz o‘rtasida sodir bo‘lgan to‘qnashuv oqibatida avtomobillardan birida yong‘in sodir bo‘lgani haqida xabarlar berilgan edi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi