Кузда нафақат чарм куртка ва палто билан, балки нимча кийиб ҳам ўзига хос образ яратиш мумкин. Бунинг учун озгина дидни ишга солиш ва қуйидаги тавсияларга амал қилиш кифоя.
Мўйнали узун нимчани нима билан кийса бўлади?
Мўйнали узун нимча билан тиззадан юқорида турадиган геометрик принтли этик образни чиройли кўрсатади. Кузги кўриниш учун пиджак, трикотаж устидан нимча кийиш мумкин. Кундалик комплектларга аксессуарлар — оч рангли клатч, кўзойнак қўшиш мумкин.
Калта мўйнали нимчани нима билан кийиш мумкин?
Классик услубдаги палто, унинг ичидан блузка ёки кўйлак билан қулай жинси кийиш мумкин. Белга эса чарм камар орқали урғу беринг.
Калта қора чарм нимча билан образ
Бундай моделни футболка, қора шим, кенг иштон ҳамда ботинка билан мослаш тавсия қилинади. Аксессуарлар ҳам халал қилмайди — микросумкани елкага, бўйнингизга занжир ва минимал услубдаги браслет тақинг.
Нимчани шим ва ёрқин сумка билан мосланг
Нимча ичидан майка кийиш ўзига хос кўрингани билан кузнинг совуқ ҳавосига тўғри келмайди. Ундан кўра бошқа рангдаги водолазка кийинг. Оч ва тўғри бичимли жинси шим ва қора, учи тўртбурчак «полсапог» образни янада жозибали кўрсатади.
Жинси нимчани нима билан кийиш мумкин?
Бундай нимчани универсал либослар, масалан, классик оқ кўйлак ва қора шим билан кийса бўлади. Образни кроссовка ва минимал бичимдаги сумка чиройли қилиб якунлайди.
Нимча ва енглари кенг бичимли кўйлак
Кундалик образлар учун миди узунлигидаги ассиметрик элементлари бор, енглари кенг либосга эътибор қаратинг. Узун чарм, боғичли этик ва мини сумка билан образни тўлдиринг.
Узун оқ нимчани нима билан кийса бўлади?
Total look, яъни бошдан оёқ бир рангда кийиниш куз учун энг яхши вариант. Оқ шим, блузка ва устидан нимча кийиб, замонавий кўринишга эга бўлинг. Оёқ кийим борасида эътиборингизни қулай этик ва ботинкаларга қаратинг.
Нимча ва ёрқин рангли блузка
Ўзига хос кузги образ яратиш учун оқ, оддий бичимли нимчани танланг. Унга қора жинси ёки винтаж услубидаги, енглари кенг блузка қўшинг. Бачкана бўлмаган сумка ва чийдухоба (велвет) ободок тақиб, кўнгилдагидек кўринишга эга бўлинг.
Изоҳ (0)