Халқ орасида «Дилмурод патир» номи билан машҳур бўлган наманганлик Муроджон Сиддиқов 63 ёшида вафот этди. Бу ҳақда «Дарё» мухбири Азизбек Абдувалиев хабар бермоқда.
Муроджон Сиддиқов новвойлик фаолиятини 18 ёшидан бошлаган. 1992 йилда ўзи туғилиб-ўсган Поп туманининг Ғурумсарой қишлоғида патир бозорига асос солган.
Ҳозирда бу бозорда 100 га яқин нон растаси жойлашган. У кишининг ўзи кейинчалик 50 нафардан ортиқ шогирд чиқарган.
«Дилмурод патир» номи муҳрланган нонлар нафақат Ўзбекистон, балки Жанубий Корея, Россия, Саудия Арабистони, АҚШ, Янги Зеландия, Туркия каби давлатларда ҳам севиб истеъмол қилинадиган брендга айланиб улгурди. Айни пайтда бир кунда 70-80 қоп ундан ёпилган нонлар сотувга чиқарилади.
Муроджон Сиддиқов синовли кунларда эҳтиёжманд оилаларга беминнат кўрсатган ёрдами учун Президент фармони билан таъсис этилган «Меҳр-саховат» кўкрак нишони билан тақдирланганди.
Изоҳ (0)